ହର୍ବାଲ ଜୁସ୍‌ ବ୍ୟବସାୟ ଦେଉଛି ଆତ୍ମସନ୍ତୋଷ

ରାକେଶ କୁମାର ରାଉତ
ଫୁଲବାଣୀ ଅଫିସ, ୧୫ା୩ – ଫୁଲବାଣୀ ସହରର ଉଚ୍ଚ ଶିକ୍ଷିତ ଯୁବକ ରତନ ଚୌଧୁରୀ। ସାମାଜିକ ବିଜ୍ଞାନରେ ସ୍ନାତୋକତ୍ତର ଡିଗ୍ରୀ। ଚାକିରି ପାଇଁ ସୁଯୋଗ ମିଳିଥିଲା। ମାତ୍ର କିଛି ଅଲଗା ନିଶା ତାଙ୍କର। ନିଜେ ଫିଟ୍‌ ରହି ଅନ୍ୟକୁ ଫିଟ୍‌ ଦେଖିବା ପାଇଁ ମନରେ ଦୃଢ଼ ପ୍ରତିଜ୍ଞା ନେଇ ସେ ଏବେ ଆରମ୍ଭ କରଛନ୍ତି ହର୍ବାଲ ଜୁସ୍‌ ବ୍ୟବସାୟ। ଏହା ଖାଲି ତାଙ୍କୁ କେବଳ ରୋଜଗାର ଦେଇନି, ଦେଉଛି ଆତ୍ମସନ୍ତୋଷ। ଅଳ୍ପ ଟଙ୍କାରେ ବିଭିନ୍ନ ପ୍ରକାର ଜୁସ୍‌ ପ୍ରସ୍ତୁତ କରି ସେ ଏବେ ଗ୍ରାହକଙ୍କ ମନ କିଣିନେଲେଣି। ସେଥିମଧ୍ୟରୁ ଡାଇବେଟିସ ଏବଂ ଗ୍ୟାସଟ୍ରିକ୍‌ ଜୁସ୍‌ ଅଧିକାଂଶ ଲୋକଙ୍କ ପସନ୍ଦ ପାଲଟିଛି। ଫୁଲବାଣୀ ସହର କରୋନେଶନ ପଡିଆ ସମ୍ମୁଖରେ ସକାଳ ୬ଟାରୁ ସାଢ଼େ ୯ଟା ପର୍ଯ୍ୟନ୍ତ ମିଳୁଛି ଏହି ଜୁସ୍‌।
ରତନଙ୍କୁ ଏବେ ୨୬ ବର୍ଷ। ଘର ପିଅନପଡ଼ାରେ। ନିଜେ କିଛି କରି ସ୍ବାବଲମ୍ବୀ ହେବାର ନିଶା ତାଙ୍କର ବହୁ ଦିନରୁ ଥିଲା। ବର୍ତ୍ତମାନ ସବୁଜିନିଷ ଭେଜାଲ ହେଉଥିବା ବେଳେ କିଛି ଅସଲି କରି ଲୋକଙ୍କ ପାଖରେ ପହଞ୍ଚିବାକୁ ତାଙ୍କ ମନରେ ଆସିଲା। ତେଣୁ ଏଥିପାଇଁ ସେ ହର୍ବାଲ ଜୁସ୍‌ର ବ୍ୟବସାୟକୁ ବାଛିଲେ। ଏହାକୁ କିପରି ପ୍ରସ୍ତୁତ କରିବେ ସେଥିଲାଗି ତାଲିମ ଆବଶ୍ୟକ ଭାବି ନିଜ ପରିଚିତ, ସାଙ୍ଗସାଥୀଙ୍କ ସହ ଆଲୋଚନା କଲେ। ଏଭଳି ପାନୀୟ ତିଆରି କରୁଥିବା ଜଣେ ବ୍ୟକ୍ତିଙ୍କ ବିଷୟରେ ଜାଣି ତାଙ୍କ ପାଖରେ ପହଞ୍ଚିଥିଲେ ରତନ। ୫ ମାସ ମଧ୍ୟରେ ସେ ଡାଇବେଟିସ୍‌, ଗ୍ୟାସ୍‌ଷ୍ଟ୍ରିକ/ଏସିଡିଟି, ଓଜନ ହ୍ରାସ, ଉଚ୍ଚ ରକ୍ତଚାପ, ଆଣ୍ଠୁଗଣ୍ଠି ଯନ୍ତ୍ରଣା, ଶକ୍ତିବର୍ଦ୍ଧକ, କୃମି ନାଶକ, କାଶ ଥଣ୍ଡା ଏବଂ ସୁନ୍ଦର ତ୍ୱଚା ଲାଗି ଉଦ୍ଦିଷ୍ଟ ଜୁସ୍‌ ପ୍ରସ୍ତୁତ କରିବା ଶିଖିଗଲେ।
ଚିରେଇତା, ତ୍ରିଫଳା, ଗୁଡୁମାରୀ ପତ୍ର, ବେଲ ଓ ବେଲପତ୍ର, ଗାଜର, ବିଟ୍‌, ଲାଉ, କଲରା, କାକୁଡି, ଅଦା, ତୁଳସୀ, ଜାମୁ, ଲିମ୍ବ, ମେଥି, ବାସଙ୍ଗପତ୍ର, ପସାରୁଣୀ ପତ୍ର, ବେଗୁନିଆପତ୍ର, ଅଁଳା, ହଳଦୀ, ସଜନାପତ୍ର ଆଦିରେ ଏସବୁ ଜୁସ୍‌ ତିଆରି ହେଉଛି। କୌଣସି ରାସାୟନିକ ପଦାର୍ଥ ଏଥିରେ ମିଶୁନାହିଁ। ଏବେ ସମସ୍ତେ ଫିଟ୍‌ ରହିବା ଉପରେ ଗୁରୁତ୍ୱ ଦେଉଛନ୍ତି। ଏଥିପାଇଁ ବ୍ୟାୟାମ ଉପରେ ଅଧିକାଂଶ ଗୁରୁତ୍ୱ ଦେଉଛନ୍ତି। ସକାଳ ଏବଂ ସନ୍ଧ୍ୟାରେ ଖୋଲା ପଡିଆରେ ପିଲାଙ୍କଠାରୁ ଆରମ୍ଭ କରି ବୟସ୍କଙ୍କ ଭିଡ। ବ୍ୟାୟାମ ପରେ ହର୍ବାଲ ଜୁସ୍‌ ପିଇ ସେମାନେ ଘରକୁ ଯାଉଛନ୍ତି।
ରତନ କହିଛନ୍ତି, ସମସ୍ତେ ସୁସ୍ଥ ରହିବା ପାଇଁ ଏକ ପ୍ରକାର ପ୍ରତିଯୋଗିତା ଆରମ୍ଭ କରି ଦେଲେଣି। ଲୋକେ କିପରି ଆହୁରି ଭଲରେ ରହିବେ ସେଥିପାଇଁ ସେ ହର୍ବାଲ ଜୁସ୍‌ ବ୍ୟବସାୟ ଆରମ୍ଭ କରିଛନ୍ତି। ରାତି ୩ଟାରୁ ଉଠି ତାଙ୍କୁ ଏସବୁ ପ୍ରସ୍ତୁତ କରିବାକୁ ପଡ଼େ। ସକାଳ ପ୍ରାୟ ୬ଟାରେ ଫୁଲବାଣୀ କରୋନେଶନ ପଡିଆ ସମ୍ମୁଖ ରାସ୍ତା ପାର୍ଶ୍ୱରେ ତାଙ୍କ ବ୍ୟବସାୟ ଚାଲେ। ବହୁ ଲୋକେ ଏହି ପଡିଆକୁ ବ୍ୟାୟାମ କରିବାକୁ ଆସୁଛନ୍ତି। ସହର ରାସ୍ତାରେ ବି ମର୍ନିଂୱାର୍କ କରୁଛନ୍ତି। ଲୋକେ ବ୍ୟାୟମ କରି ଯେତିକି ଫିଟ୍‌ ରହୁଛନ୍ତି, ସେମାନଙ୍କୁ ଏହି ଜୁସ୍‌ ପିଆଇ ଆହୁରି ଫିଟ୍‌ ରଖିବାକୁ ତାଙ୍କର ଏହି ପ୍ରୟାସ ବୋଲି କହିଛନ୍ତି ରତନ। ଏବେ ଦିନକୁ ପ୍ରାୟ ୧୦୦ ଗ୍ଲାସ ଜୁସ୍‌ ବିକ୍ରି ହେଉଛି। ଯଦି କେହି ଖାଲି ଲାଉ କିମ୍ବା କଲରା ଜୁସ୍‌ ମାଗୁଛନ୍ତି, ତାହା ମଧ୍ୟ ଦିଆଯାଉଛି। ସମସ୍ତେ ସକାଳୁ ବ୍ୟୟାମ କରନ୍ତୁ ଏବଂ ହର୍ବାଲ ଜୁସ୍‌ ପିଇ ଫିଟ୍‌ ରୁହନ୍ତୁ ବୋଲି ରତନ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଉଦ୍‌ଘାଟନ କଲେ ପ୍ରଧାନମନ୍ତ୍ରୀ , ବିଧାୟକ କହିଲେ…

ତୁମୁଡ଼ିବନ୍ଧ,୧୫।୧୧(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡ଼ିବନ୍ଧ ବ୍ଲକ୍‌ ତୁଟୁଲୁବାଠାରେ ନୂତନ ଭାବେ ନିର୍ମିତ ହୋଇଥିବା ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଭାଷୀ…

ଦାରିଙ୍ଗବାଡ଼ିରେ ଏକଲବ୍ୟ ମଡେଲ୍‌ ସ୍କୁଲର ଭିତ୍ତିପ୍ରସ୍ତର ସ୍ଥାପନ, ଭର୍ଚୁଆଲରେ ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ଦାରିଙ୍ଗବାଡି,୧୫ା୧୧(ଅରୁଣ ସାହୁ ):ରବିବାର ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଭର୍ଚୁଆଲ୍ ମାଧ୍ୟମରେ ଏକଲବ୍ୟ ମୋଡେଲ ରେସିଡେଣ୍ଟିଆଲ ସ୍କୁଲର ଭିତ୍ତିପ୍ରସ୍ତର ଅନୁଷ୍ଠିତ ହୋଇଯାଇଛି । ଏହି ପ୍ରରିପ୍ରେକ୍ଷୀରେ…

ଦାରିଙ୍ଗବାଡ଼ିରେ ଶୀତ ସାଙ୍ଗକୁ ବଢୁଛି ସାଂଗଠନିକ ବୈଠକର ମାହୋଲ: ଅନୁଷ୍ଠିତ ହେଲା ମଧୁ ବୈଶ୍ୟ ସମାଜର ଘୁମୁସର ତାଳୁକା ବୈଠକ

ଦାରିଙ୍ଗବାଡ଼ି, ୧୪।୧୧(ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ିରେ ଏବେ ଶୀତର ଲହରୀ ଜାରି ରହିଛି। ଶୀତୁଆ ପାଗର ମଜା ନେବାକୁ ରାଜ୍ୟ…

ନିଜ ପାଇଁ ନିଜେ ଅଣ୍ଟା ଭିଡ଼ିଲେ ସୁନ୍ଦରଦଣ୍ଡ ଗ୍ରାମବାସୀ: ସ୍ୱଚ୍ଛତାକୁ ଗୁରୁତ୍ୱ, ପ୍ଲାଷ୍ଟିକ ବ୍ୟବହାରକୁ ନା…

ଦାରିଙ୍ଗବାଡ଼ି, ୧୪।୧୧ (ଅରୁଣ ସାହୁ): ଗାଁ ଦାଣ୍ଡକୁ ସଫାସୁତୁରା ରଖିବା, ଅନାବନା ଘାସ କାଟିବା ସହ ଏଣେତେଣେ ପଡ଼ିଥିବା ପଲିଥିନ ଓ ପ୍ଲାଷ୍ଟିକ ଆବର୍ଜନା ହଟାଇବା ନେଇ…

ଦାରିଙ୍ଗବାଡ଼ିରେ ରାଜ୍ୟ ନିର୍ବାଚନ ଆୟୋଗଙ୍କ କନ୍ଧମାଳ ପର୍ଯ୍ୟବେକ୍ଷକ: ଭୋଟର ତାଲିକା ସର୍ବେକ୍ଷଣର କଲେ ସମୀକ୍ଷା

ଦାରିଙ୍ଗବାଡ଼ି, ୧୪।୧୧ (ଅରୁଣ ସାହୁ):୨୦୨୭ ମସିହାରେ ଓଡ଼ିଶାରେ ହେବାକୁ ଥିବା ପଞ୍ଚାୟତ ନିର୍ବାଚନ ପୂର୍ବରୁ ସ୍ବଚ୍ଛ, ଅଦ୍ୟତନ ଓ ନାଗରିକ କୈନ୍ଦ୍ରିକ ଭୋଟର ତାଲିକା ପ୍ରସ୍ତୁତି ପାଇଁ…

ଏଣିକି ଆବେଦନ ମାସରୁ ମିଳିବ ପେନସନ: ଦାରିଙ୍ଗବାଡ଼ିରେ ଏକୀକୃତ ପେନସନ ପୋର୍ଟାଲ ସଚେତନତା ଅଭିଯାନ

ଦାରିଙ୍ଗବାଡ଼ି,୧୪।୧୧(ଅରୁଣ ସାହୁ):ପେନସନ ପାଇବା ପାଇଁ ଆଉ ବର୍ଷ ବର୍ଷ ଧରି ଅପେକ୍ଷା କରିବାକୁ ପଡ଼ିବ ନାହିଁ। ଏଣିକି ଯୋଗ୍ୟ ହିତାଧିକାରୀ ଆବେଦନ କରିବା ମାସରୁ ହିଁ ପେନସନ…

ଦାରିଙ୍ଗବାଡିରେ ପାରଦ ତଳମୁହାଁ: ଛୁଟୁଛି ପର୍ଯ୍ୟଟକଙ୍କ ସୁଅ

ଦାରିଙ୍ଗବାଡି, ୧୩।୧୧ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ ଗତ ୨ ଦିନ ହେଲା ଶୀତର ପ୍ରକୋପ ବୃଦ୍ଧି ପାଉଛି। ପାରଦ ତଳମୁହାଁ ହୋଇ ଶୁକ୍ରବାର ସକାଳ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?