ଲାଉସାନେ, ୨୫ା୪ (ପି.ଟି.)- ମର୍ଯ୍ୟାଦାପୂର୍ଣ୍ଣ ପ୍ରୋ-ଲିଗ୍ ଦ୍ୱିତୀୟ ସଂସ୍କରଣକୁ ଏକ ବର୍ଷ ଅର୍ଥାତ ୨୦୨୧ ଜୁନ୍ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି। କୋଭିଡ୍-୧୯ ମହାମାରୀ ଯୋଗୁ କେତୋଟି ମ୍ୟାଚ୍ ସ୍ଥଗିତ ରଖାଯିବା ପରେ ଅନ୍ତର୍ଜାତୀୟ ହକି ମହାସଂଘ (ଏଫ୍ଆଇଏଚ୍) ଶୁକ୍ରବାର ଏହି ନିଷ୍ପତ୍ତି ନେଇଛି। ସିଜନ-୨ ୨୦୨୦ ଜାନୁୟାରୀରୁ ଜୁନ୍ ପର୍ଯ୍ୟନ୍ତ ହେବାର କାଯର୍ର୍ୟକ୍ରମ ରହିଥିଲା। ମାର୍ଚ୍ଚ ପ୍ରଥମ ଭାଗ ସୁଦ୍ଧା ଏକ ତୃତୀୟାଂଶ ମ୍ୟାଚ ଶେଷ ହୋଇଯାଇଥିଲା। ମାତ୍ର କୋଭିଡ୍-୧୯ ଯୋଗୁ ପ୍ରତିଯୋଗିତାର ପରବର୍ତ୍ତୀମ୍ୟାଚ ଗୁଡ଼ିକର ଆୟୋଜନ ସମ୍ଭବ ନ ଥିଲା। ଭାରତ ସମେତ ଅଂଶଗ୍ରହଣକାରୀ ୧୧ଟି ଦେଶର ହକି ଆସୋସିଏଶନ ସହିତ ଏକ ରାଜିନାମା ପରେ ଏଫଆଇଏଚ୍ ଏହି ନିଷ୍ପତ୍ତି ନେଇଛି। ବର୍ତ୍ତମାନ ହକି ର଼୍ୟାଙ୍କିଙ୍ଗ ତାଲିକାରେ ଭାରତ ୧୦ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି। ଦଳ ଇତିମଧ୍ୟରେ ଦୁଇଟି ମ୍ୟାଚରେ ବିଜୟ ହାସଲ କରିଥିବାବେଳେ ଅନ୍ୟ ଦୁଇଟି ପରାଜିତ ହୋଇଥିଲା। ର଼୍ୟାଙ୍କିଙ୍ଗ ତାଲିକାରେ ଦଳ ଯଥାକ୍ରମେ ବେଲଜିୟମ, ଅଷ୍ଟ୍ରେଲିଆ ଓ ନେଦରଲାଣ୍ଡ୍ସ ପଛକୁ ରହିଛି। କୋଭିଡ୍-୧୯ ଯୋଗୁ ବିଶ୍ୱରେ ସ୍ବାସ୍ଥ୍ୟଗତ ଅନିଶ୍ଚିତତା ଦେଖାଦେଇଛି। ଏଥିଲାଗି ହକି ପ୍ରୋ-ଲିଗ୍ ସିଜନ-୨କୁ ଏହା ପୂର୍ବରୁ ଦୁଇଥର ସସ୍ପେଣ୍ଡ କରାଯାଇଥିଲା। ପ୍ରଥମେ ଏପ୍ରିଲ ୧୫ ପୂର୍ବରୁ ସମସ୍ତ ମ୍ୟାଚ ସ୍ଥଗିତ ରଖାଯାଇଥିଲା। ପରେ ଏହାର ମିଆଦକୁ ଏଫ୍ଆଇଏଚ୍ ମେ ୧୭କୁ ବୃଦ୍ଧି କରିଥିଲା। ରାଜିନାମା ଅନୁସାରେ ଏଫ୍ଆଇଏଚ୍ ହକି ପ୍ରୋ-ଲିଗ୍ର ସିଜନ ୩ ସେପ୍ଟେମ୍ବର ୨୦୨୧ରୁ ଜୁନ୍ ୨୦୨୨ ପର୍ଯ୍ୟନ୍ତ ଘୁଞ୍ଚାଇ ଦେଇଛି।
