ଭବାନୀପାଟଣା,୫।୬(ଡି.ଏନ୍.ଏ.) : ସ୍ବାମୀଙ୍କ ଅସୁସ୍ଥତା କାରଣ ଦର୍ଶାଇ ଜଣେ ମହିଳା ସ୍ବୟଂ ସହାୟକ ଗୋଷ୍ଠୀଠାରୁ ଲକ୍ଷାଧିକ ଟଙ୍କା ଠକେଇ କରି ଫେରାର ହୋଇଯାଇଥିଲେ। ଠକେଇ ଶିକାର ମହିଳାମାନେ ଏହାର ତଦନ୍ତ କରି ନ୍ୟାୟ ପ୍ରଦାନ ଦାବିରେ ବୁଧବାର ଜିଲା ଏସ୍ପିଙ୍କୁ ଦାବିପତ୍ର ପ୍ରଦାନ କରିଛନ୍ତି ା
ସୂଚନାଯୋଗ୍ୟ, ସ୍ଥାନୀୟ ବାହାଦୁର ବଗିଚାପଡ଼ା ନିବାସୀ ରଣଜିତ୍ କୌରଙ୍କ ସ୍ବାମୀ ଯୋଗା ସିଂ ଦୁର୍ଘଟଣାରେ ଆହତ ହୋଇଥିଲେ। ରଣଜିତ ସ୍ବାମୀଙ୍କ ଚିକିସତ୍ା ନିମନ୍ତେ ମହିଳାମାନଙ୍କୁ ସାହାଯ୍ୟ ପାଇଁ ଅନୁରୋଧ କରିଥିଲେ ା ସେ ତାଙ୍କର ଟ୍ରକ ଏବଂ ପଞ୍ଜାବର ଜାଗା ବିକି ସମସ୍ତ ଅର୍ଥ ପରିଶୋଧ କରିବେ ବୋଲି କହିଥିଲେ। ତାଙ୍କର ଚିକିସତ୍ା ନିମନ୍ତେ ସ୍ଥାନୀୟ ମହିଳାମାନେ ଲକ୍ଷାଧିକ ଟଙ୍କା ସାହାଯ୍ୟ କରିଥିଲେ। ମାତ୍ର ସ୍ବାମୀଙ୍କ ମୃତ୍ୟୁର ଦେଢ଼ବର୍ଷ ପରେ ମଧ୍ୟ ସେ ଧାର ଟଙ୍କା ପରିଶୋଧ କରି ନାହାନ୍ତି ା ମେ ୨୯ ତାରିଖରେ ରଣଜିତ ଭବାନୀପାଟଣାରେ ଥିବା ତାଙ୍କର ସମ୍ପତ୍ତି ବିକ୍ରିକରି ଫେରାର ହୋଇଯାଇଛନ୍ତି ା ସହରର ବିଭିନ୍ନ ପଡ଼ାର ମହିଳାମାନଙ୍କଠାରୁ ରଣଜିତ ପ୍ରାୟ ୫୦ ଲକ୍ଷ ଟଙ୍କା ଠକେଇ କରି ଚାଲିଯାଇଥିବା ବୁଧବାର ପ୍ରାୟ ୨୦ ଜଣ ମହିଳା ଏସ୍ପି ବାତୁଲା ଗଙ୍ଗାଧରଙ୍କୁ ସାକ୍ଷାତ୍କରି ଏହି ମାମଲାର ତଦନ୍ତ କରି ନ୍ୟାୟପ୍ରଦାନ ନିମନ୍ତେ ଦାବି କରିଛନ୍ତି ା ଅମରଜିତ୍ କୌର, ତଲଜିନ୍ଦର କୌର, ସଂଯୁକ୍ତା ତ୍ରିପାଠୀ ପ୍ରମୁଖ ଏସ୍ପିଙ୍କୁ ଭେଟିଥିଲେ।
