ଜୁନାଗଡ,୪।୧୦(ଡି.ଏନ.ଏ.)- କଳାହାଣ୍ଡି ଜିଲା ଜୁନାଗଡ ବ୍ଲକ ଆଟିଗଁା, ତଳମଲା ପଞ୍ଚାୟତକୁ ସ୍ଥାୟୀ ଜଳ ଯୋଗାଣ ଓ ବେଆଇନ ଭାବେ ନିଆଯାଉଥିବା ଜଳକରକୁ ଉଚ୍ଛେଦ ଦାବି ନେଇ ଗୁରୁବାର ଚାଷୀ ରାସ୍ତାକୁ ଓହ୍ଲାଇଛନ୍ତି। ପୂର୍ବାହ୍ନ ୧୧ଟାରେ ଉକ୍ତ ୨ ପଞ୍ଚାୟତର ଚାଷୀ ଜୁନାଗଡ ହାତୀନଦୀ ପୋଲ ୨୬ ନଂ. ଜାତୀୟ ରାଜପଥ ଅବରୋଧ କରିଥିଲେ। ଜଳ ଯୋଗାଣ ନ କରି ବେଆଇନ ଭାବେ ନେଇଥିବା ଜଳକରକୁ ସୁଧସହ ଫେରସ୍ତ କରିବା, ଦୀର୍ଘଦିନ ଧରି ଥିବା ଇନ୍ଦ୍ରାବତୀ କୁସୁମଖୁଣ୍ଟି ଡିଭିଜନ ଏସ୍ଡିଓ ମଳୟ ଚକ୍ରବର୍ତ୍ତୀ ଓ ଯନ୍ତ୍ରୀ କେ. ନାରାୟଣ ରାଓଙ୍କୁ ବଦଳି କରାଯାଉ ଓ ଚଳିତ ରବିଋତୁ ପାଇଁ ଆଟିଗଁା ଓ ତଳମଲା ପଞ୍ଚାୟତକୁ ଜଳ ଯୋଗାଣ କରାଯାଉ, ବ୍ୟକ୍ତିଗତ ଭାବେ ନିର୍ମାଣ କରାଯାଇଥିବା ପୋଲ(ଆଉଟଲେଟ)କୁ ବନ୍ଦ କରାଯାଇ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଟାନ ନିଆଯାଉ ବୋଲି ଦାବି କରାଯାଇଥିଲା। ଖବର ପାଇ ଅପରାହ୍ନ ୧.୨୦ରେ ଘଟଣାସ୍ଥଳରେ ଜୁନାଗଡ ତହସିଲଦାର ଉପେନ୍ଦ୍ର ଲୁହା, ବିଭାଗୀୟ ଏସ୍ଡିଓ ମଳୟ ଚକ୍ରବର୍ତ୍ତୀ, କନିଷ୍ଠଯନ୍ତ୍ରୀ କେ. ନାରାୟଣ ରାଓ ପହଞ୍ଚତ୍ ଚାଷୀଙ୍କୁ ବୁଝାଶୁଝା କରିଥିଲେ। ଏହାର ସମାଧାନ ପାଇଁ ସେମାନେ ଲିଖିତ ପ୍ରତିଶ୍ରୁତି ଦେବା ପରେ ଚାଷୀମାନେ ରାସ୍ତାରୋକୋରୁ ହଟିଥିଲେ। ପ୍ରାୟ ୨ ଘଣ୍ଟାରୁ ଊର୍ଦ୍ଧ୍ୱ ଧରି ଜାତୀୟ ରାଜପଥ ଅବରୋଧ ଯୋଗୁ ଯାନବାହନ ଅଟକି ରହିଥିଲା। ଫଳରେ ଏହି ରାସ୍ତା ଦେଇ ଯାଉଥିବା ଲୋକମାନେ ନାହଁି ନ ଥିବା ଅସୁବିଧାର ସମ୍ମୁଖୀନ ହୋଇଥିଲେ। ରାସ୍ତାରୋକୋରେ ତଳମଲା ସରପଞ୍ଚ ଦୁଶିଲା ମାଝି, ମିଚାଗଁା ମା’ ଲଙ୍କେଶ୍ୱରୀ ପାଣି ପଞ୍ଚାୟତର ସଭାପତି ଯଶୋବନ୍ତ ପ୍ରଧାନୀ, ତଳମଲା ପାଣି ପଞ୍ଚାୟତ ସଭାପତି ଦେବେନ୍ଦ୍ର ମାଝି, ସମ୍ପାଦକ ଦେବରାଜ ଭାଟି, ଚାଷୀ ଯୁଧିଷ୍ଠିର ବିଶ୍ୱାଳ, ପଦ୍ମଲୋଚନ ପ୍ରଧାନୀ, ରମଣିକାମନ୍ତ ପ୍ରଧାନୀ, ବାହାଦୁର ପ୍ରଧାନୀ, ଟାଇଲ ପ୍ରଧାନୀ, ବୈବ ମାଝି, ମାନସ ରଞ୍ଜନ ମାଝି, ଦୁର୍ଗା ସାହୁ ପ୍ରମୁଖ ଚାଷୀ ସାମିଲ ଥିଲେ। ସୂଚନାଯୋଗ୍ୟ ଯେ, ଉପରୋକ୍ତ ସମସ୍ୟାକୁ ନେଇ ଗତ ୩୦ ତାରିଖରେ ଆଟିଗଁା ଓ ତଳମଲା ପଞ୍ଚାୟତ ଚାଷୀମାନେ କଳାହାଣ୍ଡି ଜିଲାପାଳ,ଏସ୍ପି, ଧର୍ମଗଡ ଉପଜିଲାପାଳ, ଇନ୍ଦ୍ରାବତୀ ବାମ କେନାଲ ନିର୍ବାହୀ ଯନ୍ତ୍ରୀ, ଜୁନାଗଡ ତହସିଲଦାରଙ୍କୁ ଲିଖିତ ଅଭିଯୋଗ କରିଥିଲେ। ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ଛୋରିଆଗଡ ବ୍ରାଞ୍ଚ କେନାଲର ପାଣି ତଳମୁଣ୍ଡରେ ଥିବା ଆଟିଗଁା ଓ ତଳମଲା ପଞ୍ଚାୟତରେ ପହଞ୍ଚତ୍ପାରୁନାହଁି। ଛୋରିଆଗଡ ବ୍ରାଞ୍ଚ କେନାଲର ପ୍ରଥମ, ଦ୍ୱିତୀୟ ଓ ତୃତୀୟ ଫସଲକୁ କିଛି ପ୍ରଭାବଶାଳୀ, ମୁଷ୍ଟିମେୟ ବ୍ୟକ୍ତି କଙ୍କ୍ରିଟ ବାଡ କରି ଅବରୋଧ କରିଥିବାରୁ ତଳମୁଣ୍ଡକୁ ଠିକ ଭାବେ ପାଣି ପହଞ୍ଚତ୍ପାରୁନାହଁି। ଫଳରେ ଉଭୟ ପଞ୍ଚାୟତର ୭ ଶହ ହେକ୍ଟର ଚାଷଜମିର ଧାନ ଫସଲ ପାଣି ଅଭାବରୁ ମରିବାକୁ ବସିଲାଣି। ଇନ୍ଦ୍ରାବତୀ କେନାଲ ଯୋଗେ ଜଳ ଯୋଗାଣର ଦୀର୍ଘ ୨୬ ବର୍ଷ ବିତିଯାଇଥିଲେ ମଧ୍ୟ ପ୍ରତିବର୍ଷ ଏଭଳି ସମସ୍ୟା ଦେଖାଦେଇଥାଏ। କେନାଲରେ ଠିକ ଭାବେ ପାଣି ଆସୁ ନ ଥିବାବେଳେ ଗତ ୨୬ ବର୍ଷ ହେଲା ସ୍ଥାନୀୟ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ପକ୍ଷରୁ ଉକ୍ତ ୨ଟି ପଞ୍ଚାୟତ ଜଳ ପାଉ ନ ଥିବା ଚାଷୀଙ୍କଠାରୁ ବେଆଇନ ଭାବେ ଜଳକର ଆଦାୟ କରାଯାଉଛି। ଏପରି କି ବାରମ୍ବାର ଅଞ୍ଚଳର ଚାଷୀମାନେ ଏ ସମ୍ପର୍କରେ ବିଭାଗୀୟ ଅଧିକାରୀ, ପ୍ରଶାସନଠାରେ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କିଛି ସୁଫଳ ମିଳିପାରିନାହଁି।
