ହାଟଡିହୀ,୪।୫(ଡି.ଏନ୍.ଏ.): ସୁରଟରୁ ଭଦ୍ରକ ଆସୁଥିବା ବସ୍ରେ ଗତ ଶନିବାର କେନ୍ଦୁଝର ଜିଲା ହାଟଡିହୀ ବ୍ଲକ ଗେଡ଼ମା ପଞ୍ଚାୟତର ୫ ପ୍ରବାସୀ ଓଡ଼ିଆ ଫେରିଛନ୍ତି। ରବିବାର ବ୍ଲକ ପ୍ରଶାସନ ସେମାନଙ୍କୁ ଭଦ୍ରକରୁ ହାଟଡିହୀ ଆଣିଥିଲେ। ପରେ ସମସ୍ତଙ୍କୁ ପଞ୍ଚାୟତ କାରାଣ୍ଟାଇନ କେନ୍ଦ୍ରରେ ରଖାଯାଇଛି। ସେମାନଙ୍କ ମଧ୍ୟରେ ଜଣେ ୯ ମାସର ଗର୍ଭବତୀ ଥିବାରୁ ପଞ୍ଚାୟତର ଏକ ଅଲଗା ଗୃହରେ ଉଭୟ ସ୍ବାମୀସ୍ତ୍ରୀଙ୍କୁ ରଖାଯାଇଥିବା ଜଣାପଡ଼ିଛି। ଗର୍ଭବତୀ ମହିଳାଙ୍କ ଚିକିତ୍ସା ଲାଗି ସ୍ବାସ୍ଥ୍ୟ ବିଭାଗକୁ ପଞ୍ଚାୟତ ତରଫରୁ ସୂଚନା ଦିଆଯାଇଥିବା ପିଇଓ ଅମୂଲ୍ୟ ପହି କହିଛନ୍ତି। ସମସ୍ତଙ୍କ ପାଇଁ ପଞ୍ଚାୟତ ତରଫରୁ ଖାଇବାକୁ ଦେବା ସହ ସରକାରୀ ନିୟମ ଅନୁସାରେ ସମସ୍ତ ସୁବିଧା ଯୋଗାଇ ଦିଆଯାଉଥିବା ପିଇଓ ପହି ଓ ସରପଞ୍ଚ ଆନନ୍ଦ ଚନ୍ଦ୍ର ମହାନ୍ତି କହିଛନ୍ତି।
