ଚୌଦ୍ୱାର,୨୨।୫(ଡି.ଏନ୍.ଏ): ଆଜି ସାବିତ୍ରୀ ବ୍ରତ। ସ୍ବାମୀଙ୍କ ଦୀର୍ଘାୟୁ କାମନାକରି ସ୍ତ୍ରୀମାନେ ଏହି ପୂଜା କରିଥାନ୍ତି। ତେବେ କୌଣସି କାରଣରୁ ଜେଲରେ ଥିବା ମହିଳା କଏଦୀମାନେ ମଧ୍ୟ ଏହି ପୂଜା କରିଥାନ୍ତି। ଏବେ କରୋନା ପାଇଁ ଜେଲରେ ଥିବା କଏଦୀଙ୍କୁ ଦେଖା କରିବା ପାଇଁ ପରିବାର ଲୋକଙ୍କୁ ଅନୁମତି ମିଳୁନାହିଁ। ତେବେ କଟକ ଜିଲା ଚୌଦ୍ୱାର ଜେଲରେ ଥିବା ୪୦ଜଣ ମହିଳାଙ୍କ ପାଇଁ ଜେଲ କର୍ତ୍ତୃପକ୍ଷ ସମସ୍ତ ବ୍ୟବସ୍ଥା କରିଛନ୍ତି। ଜେଲ ପକ୍ଷରୁ ସେମାନଙ୍କ ପାଇଁ ଶାଢ଼ୀ, ଶଙ୍ଖା ଓ ଫଳ ଆଦି ସମସ୍ତ ବ୍ୟବସ୍ଥା କରାଯାଇଛି। ସାମାଜିକ ଦୂରତା ରଖି ବିନା ବ୍ରାହ୍ମଣରେ ମହିଳାମାନେ ଏହି ପୂଜା କରିଥିବା ଚୌଦ୍ୱାର ଜେଲର ଅବିନାଶ ବେହେରା କହିଛନ୍ତି।
