ଶ୍ରୀନଗର,୧୪।୧: ଆତଙ୍କବାଦୀଙ୍କ ସହିତ ସମ୍ପର୍କ ରଖିବା ଥିବା ଅଭିଯୋଗରେ ଗିରଫ ହୋଇଥିବା ଡିଏସ୍ପି ଦାବିନ୍ଦର ସିଂଙ୍କୁ ନେଇ ଗୋଟିଏ ପରେ ଗୋଟିଏ ଗୁପ୍ତ ତଥ୍ୟର ପର୍ଦ୍ଦାଫାଶ୍ ହେବାରେ ଲାଗିଛି। ଭାରତୀୟ ସେନା ପକ୍ଷରୁ ପାକିସ୍ତାନରେ କରାଯାଇଥିବା ସର୍ଜିକାଲ ଷ୍ଟ୍ରାଇକ୍ ଏବଂ ଜମ୍ମୁ-କଶ୍ମୀରରେ ଅନୁଚ୍ଛେଦ-୩୭୦ର ଉଚ୍ଛେଦ ନେଇ ଆତଙ୍କବାଦୀମାନେ ଭୟଭୀତ ଥିଲେ। ତେଣୁ ଡିଏସ୍ପି ଦାବିନ୍ଦରଙ୍କ ସହିତ ମିଶି ଦିଲ୍ଲୀ ଏବଂ ପଞ୍ଜାବରେ ବଡ଼ ଧରଣର ଆତଙ୍କବାଦୀ ଆକ୍ରମଣ ପାଇଁ ଷଡ଼ଯନ୍ତ୍ର ରଚାଯାଇଥିଲା। ଦାବେନ୍ଦରଙ୍କ ପାଖରେ ଏକାଧିକ ମୋବାଇଲ୍ ନମ୍ବର ଆକ୍ଟିଭ୍ ରହିଥିଲା। ଆତଙ୍କବାଦୀଙ୍କ ସହିତ କଥା ହେବା ପାଇଁ ସେ କିଛି ନମ୍ବର ବ୍ୟବହାର କରୁଥିଲେ। ଆତଙ୍କବାଦୀ ରହିବା ପାଇଁ ଦିଲ୍ଲୀ ଏବଂ ଚଣ୍ଡିଗଡ଼ରେ ଦାବିନ୍ଦରଙ୍କ ଦ୍ୱାରା ବ୍ୟବସ୍ଥା ମଧ୍ୟ କରାଯାଇଥିବା ପଚରାଉଚରା ସମୟରେ ଜଣା ପଡ଼ିଛି।
