ବନ୍ତ,୨୨।୫(ଡି.ଏନ୍.ଏ.)-ଭଦ୍ରକ ଜିଲା ବନ୍ତ ବ୍ଲକର ବିଭିନ୍ନ ସଙ୍ଗରୋଧ କେନ୍ଦ୍ରରେ ଶୁକ୍ରବାର ମହିଳାମାନେ ସାବିତ୍ରୀମାନେ ବ୍ରତ ପାଳନ କରିଛନ୍ତି। ବିଭିନ୍ନ କେନ୍ଦ୍ରରେ ଥିବା ମହିଳାମାନଙ୍କ ପାଇଁ ସରପଞ୍ଚମାନେ ଭୋଗ ସାମଗ୍ରୀ କିଣି ଦେଇଥିଲେ। ନିକଟସ୍ଥ ମନ୍ଦିରରେ ପୂଜାର୍ଚ୍ଚନା ପରେ ମହିଳାମାନେ ପ୍ରସାଦସେବନ କରିଥିଲେ। ଚାରିଗାଁ ପଞ୍ଚାୟତ ବାଲିପୋଖରୀ ହାଇସ୍କୁଲ ସଙ୍ଗରୋଧ କେନ୍ଦ୍ରରେ ୨ ଜଣଙ୍କ ପାଇଁ ସରପଞ୍ଚ ବନମାଳୀ ବେହେରା, ବଡବର୍ଚ୍ଚିକୟାଁ ପଞ୍ଚାୟତ ସି.ଏନ୍. ନୋଡାଲ ଉ.ପ୍ରା ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ୩ ଓ ଆପ୍ତିରା ସଙ୍ଗରୋଧ କେନ୍ଦ୍ରରେ ଜଣଙ୍କ ପାଇଁ ସରପଞ୍ଚ ବିଷ୍ଣୁମୋହନ ଜେନା, ନିଳୋକ ପଞ୍ଚାୟତ ପଳାସଗଢିଆସ୍ଥିତ ଓଡିଶା ଆଦର୍ଶ ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ୧୦ ଜଣଙ୍କ ପାଇଁ ସରପଞ୍ଚ ଅଶୋକ ମହାନ୍ତି, ଓଡଙ୍ଗ ପଞ୍ଚାୟତ ଓଡଙ୍ଗ ହାଇସ୍କୁଲ ସଙ୍ଗରୋଧ କେନ୍ଦ୍ରରେ ୯ ଜଣଙ୍କ ପାଇଁ ସରପଞ୍ଚ କିଶୋର କିଙ୍କର ପଢିଆରୀ, ଅଣିଜୋ ପଞ୍ଚାୟତ ସିନ୍ଧୁକେଶ୍ୱର ହାଇସ୍କୁଲ ସଙ୍ଗରୋଧ କେନ୍ଦ୍ରରେ ୪ ଜଣଙ୍କ ପାଇଁ ସରପଞ୍ଚ ଜଗବନ୍ଧୁ ବେହେରା, ନୋଡାଲ ହାଇସ୍କୁଲ ସଙ୍ଗରୋଧ କେନ୍ଦ୍ରରେ ୩ ଜଣଙ୍କ ପାଇଁ ସରପଞ୍ଚ ତିଳୋତ୍ତମା ବାରିକ, ଷେଣ୍ଢତୀରା ପଞ୍ଚାୟତ ଶିଆଳିଆ ହାଇସ୍କୁଲ ସଙ୍ଗରୋଧ କେନ୍ଦ୍ରରେ ୧୦ ଜଣଙ୍କ ପାଇଁ ସରପଞ୍ଚ ପ୍ରେମଲତା ପ୍ରଧାନ ସମସ୍ତ ଭୋଗ ସାମଗ୍ରୀ ଆଣି ଦେଇଥିବା ଜଣାଯାଇଛି। ସେହିପରି କେନ୍ଦୁଆପଦା ସଙ୍ଗରୋଧ କେନ୍ଦ୍ରରେ ଥିବା ମହିଳାଙ୍କ ପାଇଁ ସରପଞ୍ଚ ମିତାଲୀ ଜେନା ଫଳମୂଳ ସାମଗ୍ରୀ ଆୟୋଜନ କରିଥିବା ଦେଖିବାକୁ ମିଳିଥିଲା।
