ସଙ୍ଗରୋଧ କେନ୍ଦ୍ର ପାଣି ଟାଙ୍କି ଭୁଶୁଡିଲା
10:11 pmMay 20, 2020 / 56

ଆର.ଉଦୟଗିରି,୨୦ା୫(ଡି.ଏନ୍‌.ଏ.)- ନୂଆଗଡ଼ ବ୍ଲକ ତାବରଡ଼ା ଗ୍ରାମ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଥିବା ସଙ୍ଗରୋଧ କେନ୍ଦ୍ରରେ ଅନ୍ତେବାସୀମାନଙ୍କ ପାଇଁ ପାଣିର ସୁବିଧା ନିମନ୍ତେ ୧୦ହଜାର ଲିଟର ବିଶିଷ୍ଟ ଏକ ପାଣି ଟାଙ୍କି ନିର୍ମାଣ ହୋଇଥିଲା। ଏହି କାମ ବିଭାଗୀୟ ଅଧିକାରୀଙ୍କ ଦ୍ୱାରା କରାଯାଇଥିଲା। ନିର୍ମାଣର ୬ଦିନ ପରେ ଏହା ଭୁଶୁଡି ପଡିଛି। ନିର୍ମାଣର ୫ ଦିନରେ ଯନ୍ତ୍ରୀମାନେ ଟାଙ୍କିରେ ପାଣି ଭରି ଦେଖିବାକୁ କହିଥିଲେ। ସୋମବାର ସନ୍ଧ୍ୟାରେ ପାଣି ଭର୍ତ୍ତି କରାଯାଇଥିବାବେଳେ ରାତିରେ ଭୁଶୁଡି ପଡିଥିଲା। ଏନେଇ ନୂଆଗଡ଼ ସହକାରୀ ଯନ୍ତ୍ରୀ ପୂର୍ଣ୍ଣଚନ୍ଦ୍ର ପଟ୍ଟନାୟକଙ୍କୁ ପଚାରିବାରୁ ସେ କହିଥିଲେ ଯେ, ପୁନର୍ବାର ନିର୍ମାଣ କରାଯିବ। ଟାଙ୍କିର ଅଟକଳ ମୂଲ୍ୟ ୨୦ ହଜାର ଟଙ୍କା ଭିତରେ ହେବ ବୋଲି ସେ କହିଥିବାବେଳେ କନିଷ୍ଠ ଯନ୍ତ୍ରୀ ଏହାର କ୍ଷତି ଭରଣା କରିବେ ବୋଲି କହିଛନ୍ତି।