ଖଣ୍ଡପଡା,୪ା୭ (ସ୍ବ.ପ୍ର.): ଘୋଷଯାତ୍ରା ଅବସରରେ ପ୍ରତିବର୍ଷ ପରି ଚଳିତବର୍ଷ ରାଜ୍ୟର ସମସ୍ତ ଜିଲାରେ ଥିବା ବିଭିନ୍ନ ଶକ୍ତିପୀଠକୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଶ୍ରୀ ଜୀଉଙ୍କ ଲାଗିମାଳ, ମହାପ୍ରସାଦ ଓ ଲାଗି ଶାଢି ଦେବୀମାନଙ୍କ ଉଦ୍ଦେଶ୍ୟରେ ଅର୍ପଣ କରାଯାଇଛି। ନୟାଗଡ଼ ଜିଲାର ୬ଟି ଦେବୀ ପୀଠକୁ ଆଜ୍ଞାମାଳ ପ୍ରଦାନ କରାଯାଇଛି। ଏଥିମଧ୍ୟରୁ ଖଣ୍ଡପଡାର ଆରାଧ୍ୟ ଦେବୀ ମା’ ଉମାଦେବୀ, ପଥରଚକଡାସ୍ଥିତ ମା’ ନାରାୟଣୀଙ୍କୁ ମଙ୍ଗଳବାର ଲାଗିମାଳ, ମହାପ୍ରସାଦ ଓ ଲାଗି ଶାଢି ଅର୍ପଣ କରାଯାଇଛି। ଉତ୍କଳ ସ୍ବାଭିମାନ ମଞ୍ଚର ନୟାଗଡ଼ ଜିଲା ସଂଯୋଜକ ପ୍ରଧାନୀ ବୃନ୍ଦାବନୀ ମହାପାତ୍ର ଏଠାରେ ପହଞ୍ଚତ୍ ମନ୍ଦିର ପୂଜକମାନଙ୍କୁ ତାହା ପ୍ରଦାନ କରିଥିଲେ। ପବିତ୍ର ରଥଯାତ୍ରା ଦିନ ମା’ଙ୍କୁ ମାଜଣ କରାଯାଇ ପ୍ରଦାନ କରାଯାଇଥିବା ଲାଗି ଶାଢିରେ ବେଶ କରାଇବା ସହିତ ମହାପ୍ରସାଦ ସମର୍ପଣ କରିବାକୁ ମହାପାତ୍ର ପରାମର୍ଶ ଦେଇଥିଲେ।ଏହାସହିତ ଉକ୍ତ ଶକ୍ତି ପୀଠଗୁଡିକରେ ଚଣ୍ଡୀପାଠ ଓ ଭଜନ କୀର୍ତ୍ତନ କରିବାକୁ ସେ ପୂଜକମାନଙ୍କୁ ଅନୁରୋଧ କରିଥିଲେ ।
