ଗ୍ରୀନ ଟି ସ୍ବାସ୍ଥ୍ୟପକ୍ଷେ ଅଧିକ ଲାଭଦାୟକ । ଏହା ଶରୀର ସହିତ ତ୍ୱଚା ପାଇଁ ମଧ୍ୟ ବରଦାନ ସଦୃଶ ହୋଇଥାଏ। ତ୍ୱଚା ସମସ୍ୟ ଯାଥା କଳା ଦାଗ, ଚର୍ମକୁଞ୍ଚନରୁ ଏହା ମୁକ୍ତି ଦେଇଥାଏ। ଏଥିରେ ଥିବା ଆଣ୍ଟି ଅକ୍ସିଡେଣ୍ଟର ଗୁଣ ଆଖିତଳୁ କଳାଦାଗ ଦୂର କରିଥାଏ। ତେବେ ସହଜ ଉପୟରେ ଘରେ ମଧ୍ୟ ଆପଣ ଏହାର ଫେସ୍ପ୍ୟାକ୍ ପ୍ରସ୍ତୁତ କରିପାରିବେ।
ଭିନ୍ନ ଭିନ୍ନ ତ୍ୱଚାପାଇଁ ଏହାର ପ୍ରସ୍ତୁତି ପ୍ରଣାଳୀ ଭିନ୍ନ ହୋଇଥିବାବେଳ ଆବଶ୍ୟକ ସାମଗ୍ରୀ ମଧ୍ୟ ଭିନ୍ନ ହୋଇଥାଏ। ତେବେ ଜାଣନ୍ତୁ ସେ ସମ୍ପର୍କରେ।
ସାଧାରଣ ତ୍ୱଚା ପାଇଁ
ଅଳ୍ପ ହଳଦୀ, ଏକ ଚାମଚ ଗ୍ରୀନ ଟି’ ଏବଂ ଏକ ଚାମଚ ବେସନ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ । ମୁହଁକୁ ଭଲଭାବରେ ଧୋଇବା ପରେ ଏହି ପେଷ୍ଟ ଲଗାନ୍ତୁ। ୨୦ ମିନିଟ ଲଗାଇବା ପରେ ଗୋଲାପ ଜଳରେ ତୁଳା ବୁଡାଇ ସୁଖି ଯାଇଥିବା ମୁହଁକୁ ଓଦା କରାନ୍ତୁ। ପରେ ଦୁଇ ହାତରେ ମସାଜ କଲାପରି ମୁହଁକୁ ଘସି ଘସି ତାହାକୁ ଛଡାନ୍ତୁ । ଏହା ମୁହଁରୁ କଳାଦାଗ ଛଡାଇବା ସହିତ ବ୍ରଣ ମଧ୍ୟ ଦୂର କରିଥାଏ।
ମିଶ୍ରଣ ସ୍କିନ୍ ପାଇଁ: ଅଧ ଚାମଚ ମହୁ, ଏକ ଚାମଚ ଗ୍ରୀନ ଟି, ଏକଚାମଚ କମଳା ଚୋପା ଗୁଣ୍ଡକୁ ଗୋଲାପ ଜଳରେ ମିଶାଇ ଲଗାନ୍ତୁ। ପରେ ଶୁଖିଗଲାପରେ ହାତରେ ଘଷି ଛଡ଼ାନ୍ତୁ।
ଶୁଷ୍ମ ତ୍ୱଚା : ଯଦି ଆପଣଙ୍କ ତ୍ୱଚା ଶୁଷ୍କ ହୋଇଥାଏ ତେବେ ଏହି ଉପାୟ ଆପଣାନ୍ତୁ। ୨ଚାମଚ ମହୁରେ ୧ ଚାମଚ ଗ୍ରୀନ ଟି ମିଶାଇ ପେଷ୍ଟ ପ୍ରସ୍ତୁତ କରି ସପ୍ତାହରେ ୨ ଥର ଏହାକୁ ଲଗାନ୍ତୁ। ଏହା ଆପଣଙ୍କ ତ୍ୱଚାକୁ ନରମ କରିବାରେ ସାହାଯ୍ୟ କରିବ।
