ଖଇରା, ୧୪।୮(ଡି.ଏନ.ଏ.)-୨ଦିନ ଧରି ଲଗାଣ ବର୍ଷାରେ ବାଲେଶ୍ୱର ଜିଲା ଖଇରା ବ୍ଲକର ଦେଇ ଯାଇଥିବା ବିଭିନ୍ନ ନଦୀ ଓ ନାଳ ଉଛୁଳି ପଡିଛି ା ଏହି କାରଣରୁ ବିଭିନ୍ନ ଗ୍ରାମରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ବନ୍ୟା ପରିସ୍ଥିତିର ମୁକାବିଲା ଲାଗି ବିଭିନ୍ନ ସଙ୍ଗଠନ ପକ୍ଷରୁ ପ୍ରଶାସନ ନିକଟରେ ଦାବି ଉପସ୍ଥାପନ କରାଯାଇଛି ା ଖଇରା ବଜାର ସଂଲଗ୍ନ ନାଳଗୁଡିକ ଅବରୋଧ ଯୋଗୁ ବିଭିନ୍ନ ଦୋକାନରେ ପାଣି ପଶି ବ୍ୟବସାୟୀଙ୍କୁ ଅସ୍ତବ୍ୟସ୍ତ କରିପକାଇଛି। ବିଏସଏନଏଲ ଏକ୍ସଚେଞ୍ଜ ପାଣି ପଶିବା ଯୋଗୁ ବ୍ରଡବ୍ୟାଣ୍ଡ ଓ ଟେଲି ଯୋଗାଯୋଗ ବିଚ୍ଛିନ୍ନ ହୋଇପଡିଛି ା ସେହିଭଳି ମହତୀପୁର ପଞ୍ଚାୟତ ବିଣାପୁର ଗ୍ରାମ ରାସ୍ତାରେ ୪ଫୁଟ ଉଚ୍ଚର ପ୍ରାଣି ପ୍ରବାହିତ ହେଉଥିବା ଶତାଧିକ ଗ୍ରାମବାସୀ ପାଣିଘେରରେ ରହିଛନ୍ତି। ପୂର୍ତ୍ତ ବିଭାଗ ଅପରିଣାମଦର୍ଶିତା ଯୋଗୁ ଏଭଳି ପରିସ୍ଥିତି ସୃଷ୍ଟି ହେଉଥିବା ନେଇ ପୂର୍ଣ୍ଣଚନ୍ଦ୍ର ଗିରି, ବିଜୟ ପ୍ରଧାନ, ଶମ୍ବୁନାଥ ପ୍ରଧାନ, ଭାଗିରଥି ଗିରି, ଗୋବିନ୍ଦ ଦାସ ପ୍ରମୁଖ ଅଭିଯୋଗ କରିଛନ୍ତି ା ସେହିଭଳି ସୁଣ୍ଢିରା ଗ୍ରାମ ବାସୁଳି ନଦୀ ଉଛୁଳିବା ଯୋଗୁ ନଦୀ ସଂଲଗ୍ନ ଦାଶରଥି ବାରପଡା ହାଇସ୍କୁଲର ଛାତ୍ରୀଛାତ୍ରମାନେ ମଙ୍ଗଳବାର ପାଣି ଭର୍ତ୍ତୀ ୩ଶହ ମିଟର ରାସ୍ତାରେ ବିପଦସଙ୍କୁଳ ଅବସ୍ଥାରେ ଚାଲିଚାଲି ଘରକୁ ଫେରିଥିବା ଜଣା ଯାଇଛି ା ଏଥିଯୋଗୁ ଅଭିଭାବକ ଓ ଶିକ୍ଷକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି ା କାଂଶବାଂଶ, ପଥରକଟା, ପଥରଶୁଣି ଓ ଛାଞ୍ଚୁଣିଆ ଆଦି ନଦୀ ପୂରି ଉଠିବା କାରଣରୁ ନଦୀକୂଳିଆ ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି ା
