ଗଞ୍ଜାମ,୧୬।୬(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା ସ୍ଥିତି ଦିନକୁ ଦିନ ଜଟିଳ ହେବାରେ ଲାଗିଛି। ଏଥିପାଇଁ ଗଞ୍ଜାମ ଜିଲାପାଳ ବିଜୟ ଅମୃତ କୁଲାଙ୍ଗେ ସା ୭ଟାରୁ ସକାଳ ୭ଟା ପର୍ଯ୍ୟନ୍ତ ଶଟ୍ଡାଉନ ଘୋଷଣା କରିଛନ୍ତି। ଏଥିସହ ସକାଳ ୭ଟାରୁ ମଧ୍ୟାହ୍ନ ୧୨ଟା ଯାଏ ଦୋକାନବଜାର ଖୋଲିବ। ମାତ୍ର ମଙ୍ଗଳବାର ଗଞ୍ଜାମ ଓ ହୁମା ଅଞ୍ଚଳରେ ସକାଳ ୭ଟା ପୂର୍ବରୁ କିଛି ଦୋକାନୀ ଦୋକାନ ଖୋଲି ବ୍ୟବସାୟ କରିଥିଲେ l ଏ ନେଇ ଖବର ପାଇ ବ୍ଲକ ପ୍ରଶାସନ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା l ସକାଳ ୭ଟା ପୂର୍ବରୁ ଦୋକାନ ଖୋଲିବା ଅଭିଯୋଗରେ ତହସିଲଦାର ଅବନୀ କୁମାର ସାହୁ ଗଞ୍ଜାମ ଓ ହୁମା ଅଞ୍ଚଳର ୭ଟି ଦୋକାନକୁ ସିଲ୍ କରିଛନ୍ତି। ଉକ୍ତ ଦୋକାନଗୁଡ଼ିକ ହେଲା ଗଞ୍ଜାମର ଗଜଲକ୍ଷ୍ମୀ ପୁଷ୍ପାଳୟ, ଜୟ ମା’ ଦୁର୍ଗା ଡ୍ରେସେସ୍, ସ୍ବାତିକ ଇଣ୍ଟରନେଟ୍ ଜୋନ୍, ସାନ ବଜାର ଆଦି। ଏହି ସମୟରେ ଗଞ୍ଜାମ ଏନ୍ଏସି କାର୍ଯ୍ୟନିବାହୀ ଅଧିକାରୀ ପ୍ରଭୁ କଲ୍ୟାଣ ଦାସ, ଅତିରିକ୍ତ ତହସିଲଦାର ସନାତନ ମହାଳିକ, ତିଆରଓ ସନ୍ତୋଷ ଦଳ ବେହେରା, ପୋଲିସ ଏସ୍ଆଇ ସୁକାନ୍ତ ପ୍ରଧାନ ସୁପରଭାଇଜର ସୁବାଷ ଚନ୍ଦ୍ର ନାୟକ, ସମସ୍ତ ଆରଆଇ, ଅମିନ ପ୍ରମୁଖ ଉପସ୍ଥିତ ଥିଲେ l
