କେନ୍ଦୁଝର୧୧ା୪(ସ୍ବ.ପ୍ର): ଲକ୍ ଡାଉନ୍ ପାଇଁ ଗାଁ ଠାରୁ ଆରମ୍ଭ କରି ସହର ସବୁ ବନ୍ଦ। ଗ୍ରାମାଂଚଳରେ କାଁ ଭାଁ କେତେକ ଗ୍ରୋସରୀ ଦୋକାନ ଛାଡି ଦେଲେ ସବୁ ବନ୍ଦ ରହିଛି। ଏଭଳି ସମୟରେ ଦୋକାନ ଓ ରାସ୍ତାଘାଟ ଖାଁ ଖାଁ ଲାଗୁଛି। ଦୋକନୀ ଗ୍ରାହକ ଅପେକ୍ଷାରେ ରହିଥିବା ବେଳେ କଥାବାର୍ତ୍ତା କରିବା ପାଇଁ କେହି ନାହାଁନ୍ତି। ଏଭଳି ପରିସ୍ଥିତିରେ ଅନେକଙ୍କ ପାଇଁ ସାଥୀ ପାଲଟିଛି ରେଡିଓ।
ସଦର ବ୍ଲକ କେମ୍ପସଢା ଗ୍ରାମରେ ରହିଛି କ୍ଷେତ୍ରବାସୀ ମହାନ୍ତଙ୍କ ଛୋଟ ଗ୍ରୋସରୀ ଦୋକାନ। ଦୋକାନ ରେ ବାଜୁଛି ରେଡିଓ। ସେ ଦୀର୍ଘ ୪୦ ବର୍ଷ ହେଲା ରେଡିଓ ଶୁଣିଆସୁଥିବା କୁହନ୍ତି। ଏବେ କରୋନା ସମ୍ପର୍କିତ ଖବର ଶୁଣୁଛନ୍ତି ା ଲକ ଡାଉନ ସମୟରେ ସରକାର କଣ ପଦକ୍ଷେପ ନେବାକୁ ଜାରି କରିଛନ୍ତି ସେ ବିଷୟରେ ଅବଗତ ହେବା ସହ କରୋନା ଭୂତାଣୁ କଣ, କିପରି ସଂକ୍ରମିତ ହୋଇଥାଏ, କେଉଁ କେଉଁ ଦେଶ ଆକ୍ରାନ୍ତ, ଏହାକୁ ରୋକିବା ପାଇଁ କଣ ପଦକ୍ଷେପ ନେବା ଉଚିତ ଆଦି ଶୁଣୁଥିବା କହିଛନ୍ତି। ବର୍ତ୍ତମାସ ଟିଭି, ମୋବାଇଲ ଯୁଗ ହୋଇଥିଲେ ହେଁ ତାଙ୍କ ପାଇଁ ରେଡିଓ ସବୁକିଛ। ବିଶେଷ କରି ଦେଶବିଦେଶ ର ଖବର, ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ, ଚାଷବାସ ଆଦି ଶୁଣନ୍ତି। ସେହିପରି ଅ୍ଯଯ ସମୟରେ ଦୋକାନକୁ ଆସୁଥିବା ଲୋକ ମାନେ ମଧ୍ୟ ରେଡିଓ ଶୁଣିଥାନ୍ତି। ଏବେ ମଧ୍ୟ ଗ୍ରାମାଞ୍ଚଳରେ ବହୁ ଗରୀବ ଲୋକଙ୍କ ଘରେ ଟିଭି, ରେଡିଓ , ମୋବାଇଲ ନାହିଁ । ଏଣୁ ସେମାନଙ୍କ ପାଇଁ ରେଡିଓ ମନୋରଂଜନର ପ୍ରମୁଖ ମାଧ୍ୟମ ହୋଇଥାଏ।
ଆଜିକାଲି ପିଲା ମାନଙ୍କ ପାଇଁ ମୋବାଇଲ ମନୋରଂଜନର ସାଧନ ହୋଇଥିବା ବେଳେ ତାଙ୍କ ଭଳି ବରିଷ୍ଠ ନାଗରିକ ମାନଙ୍କ ପାଇଁ ରେଡିଓ ଏବେ ମଧ୍ୟ ଗୁରୁତ୍ୱ ବହନ କରୁଛି। ଯେତେବେଳେ ଟିଭି, ମୋବାଇଲ ନ ଥିଲା । କିମ୍ବା ଖବରକାଗଜ ପହଁଚିପାରୁନଥିଲା ସେ ସମୟରୁ ରେଡିଓ ସାଥୀ ହୋଇ ରହିଛି। ମନୋରଂଜନ ସହିତ ଚାଷ ସମୟରେ ଚାଷବାସ, ପାଣିପାଗ, ଦେଶବିଦେଶର ଖବର, ସଂଗୀତ ଆଦି ହାତ ପାଆନ୍ତାରେ ଶୁଣିବାକୁ ମିଳୁଛି। ଏଣୁ ଛାଡିପାରୁନାହୁଁ ବୋଲି ସେ କୁହନ୍ତି।
