ଅନୁଗୋଳ ଅଫିସ,୧୫।୭: ଅନୁଗୋଳ ଜିଲା ତାଳଚେର ସନ୍ଥପଡ଼ା ଗାଁରେ ରାଜନୈତିକ ଶତ୍ରୁତାରୁ ହିଂସାକାଣ୍ଡ ହୋଇଛି। ଏହି ହିଂସାକାଣ୍ଡ ବେଳେ କଟୁରି ଆକ୍ରମଣରେ ସନ୍ଥପଡ଼ା ଅଞ୍ଚଳର ସୁଶାନ୍ତ କୁମାର ସାହୁ( ୩୫)ଗୁରୁତର ହୋଇ ଜିଲା ମୁଖ୍ୟ ଚିକିତ୍ସାଳୟରେ ଭର୍ଭି ହୋଇଛନ୍ତି ।
ସୂଚନାଯୋଗ୍ୟ ଯେ, ସନ୍ଥପଡ଼ା ଗାଁର ସୁଶାନ୍ତ ସାମଲ ନାମକ ଜଣେ ଯୁବକଙ୍କ ସେହି ଗାଁର ସରୋଜ ସାମଲଙ୍କ ସହ ସୋମବାର ସକାଳେ କନକଦୁର୍ଗା ମନ୍ଦିର ନିକଟରେ ବଚସା ହୋଇଥିଲ। ବଚସା ସମୟରେ ଉତ୍ତ୍ୟକ୍ତ ହୋଇ ସରୋଜ ଏକ କଟୁରିରେ ସୁଶାନ୍ତଙ୍କୁ ଆକ୍ରମଣ କରିଥିଲେ। ସୁଶାନ୍ତଙ୍କ ବାମ ହାତରେ କ୍ଷତ ହେବା ସହ ଘଟଣାସ୍ଥଳରେ ପଡ଼ି ଯାଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ। ଆକ୍ରମଣକାରୀ ଯୁବକ ସରୋଜ ସନ୍ଥପଡ଼ା ପଞ୍ଚାୟତର ବିଜୁ ଯୁବବାହିନୀ ସଭାପତି ଥିବା ଜଣାପଡ଼ିଛି। ତେବେ ଏନେଇ ତାଳଚେର ଥାନାରେ ଅଭିଯୋଗ କରିଥିବା ଆହତ ସୁଶାନ୍ତଙ୍କ ବାପା ବସନ୍ତ ସାମଲ ସୂଚନା ଦେଇଛନ୍ତି।
