କେନ୍ଦୁଝର, ୭ା୬(ସ୍ବ.ପ୍ର.)-ଚଳିତବର୍ଷ ସାରାଦେଶରେ ମହାମାରୀ କରୋନା ଭୂତାଣୁ ସଂକ୍ରମଣ ଲାଗି ସବୁ ପର୍ବପର୍ବାଣୀ ଫିକା ପଡିଛି। କେନ୍ଦୁଝରରେ ଧୁମ୍ଧାମ୍ରେ ପାଳନ ହେଉଥିବା ରଜ ମହୋତ୍ସବ ପ୍ରଶାସନ ପକ୍ଷରୁ ବାତିଲ କରାଯାଇଛି। ତେବେ ଆଉ ୭ଦିନ ପରେ ରଜପର୍ବ। କେନ୍ଦୁଝର ସଦର ବ୍ଲକ ରାଇସୁଆଁ ଗ୍ରାମରେ ଦୋଳି ପ୍ରସ୍ତୁତ କରିବାରେ ଲୋକେ ଲାଗିପଡ଼ିଛନ୍ତି। କେନ୍ଦୁଝର ଗ୍ରାମାଞ୍ଚଳଗୁଡ଼ିକରେ ରଜ ପାଇଁ ଦୋଳି ପ୍ରସ୍ତୁତ ଚାଲିଛି। ଏହି ପର୍ବରେ ନୂଆ ପୋଷାକ ପିଠାପଣା ମାଛ ମାଂସ ଆଦି ନାନାଦି ପ୍ରକାର ଖାଦ୍ୟ ଘରେ ଘରେ ପ୍ରସ୍ତୁତ ହୋଇଥାଏ। ଦୋଳିରେ ବସି ମହିଳାମାନେ ବିଭିନ୍ନ ପ୍ରକାର ଗୀତ ବୋଲି ରଜ ପାଳନ କରିଥାନ୍ତି। ଚଳଚଞ୍ଚଳ ହୋଇଉଠେ ଗଁା ଦାଣ୍ତ। କରୋନା ପ୍ରକୋପ ଯୋଗୁ ଲୋକମାନେ ବହୁ କ୍ଷତିରେ ଅଛନ୍ତି। କାମଧନ୍ଦା ଆଦି ବନ୍ଦ ହୋଇଯିବାରୁ ରୋଜଗାର ପନ୍ଥା ଅଟକିଯାଇଛି।
