ଯୌତୁକ ପାଇଁ ସ୍ତ୍ରୀଙ୍କୁ ପୋଡି ମାରିବା ଅଭିଯୋଗ: ସ୍ବାମୀ କୋର୍ଟଚାଲାଣ
8:31 amJuly 2, 2019 / 21

ପୁରୁଷୋତ୍ତମପୁର,୨ା୭(ଡି.ଏନ.ଏ.): ପୁରୁଷୋତ୍ତମପୁର ଥାନା ପୁଟିଆପଦର ଗ୍ରାମରେ ଯୌତୁକ ପାଇଁ ସ୍ତ୍ରୀଙ୍କୁ କିରୋସିନ ଢାଳି ନିଅଁା ଲଗାଇ ପୋଡି ମାରିବା ଅଭିଯୋଗରେ ଅଭିଯୁକ୍ତ ସ୍ବାମୀଙ୍କୁ ପୋଲିସ ଗିରଫ କରିଛି। ସେ ହେଲେ ଉକ୍ତ ଗ୍ରାମର ସମ୍ବାରିଆ ଦାସ। ମାମଲା ନଂ. ୧୪୭/୧୯ ରେ ତାଙ୍କୁ ସୋମବାର କୋର୍ଟ ଚଳାଣ କରାଯାଇଛି। କବିସୂର୍ଯ୍ୟନଗର ଥାନା ଝାଡବନ୍ଧ ଗ୍ରାମର ପଞ୍ଚୁ ନାହାକଙ୍କ ଝିଅ ସନ୍ତୋଷୀ ଗତ ଏକ ବର୍ଷ ତଳେ ସମ୍ବାରିଆଙ୍କୁ ବିବାହ କରିଥିଲେ। ବିବାହ ସମୟରେ ଯୌତୁକ ଦିଆଯାଇଥିଲେ ମଧ୍ୟ ଅଧିକା ୧୦ ହଜାର ଟଙ୍କା ଦାବି କରି ସନ୍ତୋଷୀଙ୍କୁ ତାଙ୍କ ସ୍ବାମୀ ନିର୍ଯାତନା ଦେଇ ଆସୁଥିଲେ। ଗତ ୨୩ ତାରିଖରେ ସନ୍ତୋଷୀଙ୍କ ଉପରେ କିରୋସିନ ଢାଳି ସ୍ବାମୀ ନିଅଁା ଲଗାଇ ଦେଇଥିଲେ। ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ନିଆଯାଇଥିଲା ।
ସେଠାରୁ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲେ ମଧ୍ୟ ଚିକିତ୍ସାଧୀନ ଅବସ୍ଥାରେ ୨୭ ତାରିଖରେ ମୃତ୍ୟୁ ଘଟିଥିଲା।