ନୂଆଦିଲ୍ଲୀ, ୪।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅଷ୍ଟ୍ରେଲିଆ ପ୍ରତିପକ୍ଷ ସ୍କଟ୍ ମୋରିସନ୍ଙ୍କ ମଧ୍ୟରେ ଭର୍ଚୁଆଲ୍ ଶିଖର ସମ୍ମିଳନୀ ଗୁରୁବାର ଅନୁଷ୍ଠିତ ହୋଇଛି। ଏହି ଅବସରରେ ମୋଦି ଦୁଇଦେଶ ମଧ୍ୟରେ ବ୍ୟବସାୟ ବୃଦ୍ଧି ଲାଗି ଗୁରୁତ୍ୱାରୋପ କରିଛନ୍ତି। ଗତ କିଛି ବର୍ଷ ମଧ୍ୟରେ ଦୁଇଦେଶ ପାରସ୍ପରିକ ସହଯୋଗ କ୍ଷେତ୍ରରେ ବେଶ୍ ଆଗୁଆ ରହିଥିବା ମୋଦି କହିଛନ୍ତି। ସାମ୍ପ୍ରତିକ କରୋନା ମହାମାରୀ ସଙ୍କଟ ସମୟରେ ଭାରତ-ଅଷ୍ଟ୍ରେଲିଆ ମିଳିତ ଭାବେ କାର୍ଯ୍ୟ କରିବା ଆବଶ୍ୟକ ବୋଲି ମୋଦି କହିଛନ୍ତି। ଏହି ଅବସରେରେ ମୋଦି ମୋରିସନ୍ଙ୍କୁ ଭାରତ ଆସିବା ପାଇଁ ନିମନ୍ତ୍ରଣ କରିଛନ୍ତି। ସୂଚନାଯୋଗ୍ୟ, ପୂର୍ବରୁ ଜାନୁୟାରୀ ଏବଂ ମେରେ ମୋରିସନ୍ ଭାରତ ଗସ୍ତରେ ଆସିବାର ଥିଲା। ଜାନୁୟାରୀରେ ଅଷ୍ଟ୍ରେଲିଆ ଜଙ୍ଗଲରେ ନିଆଁ ଲାଗିବା ଯୋଗୁ ଗସ୍ତକୁ ବାତିଲ କରାଯାଇଥିଲା। ସେହିପରି କରୋନା ମହାମାରୀ ଯୋଗୁ ମେ ଗସ୍ତକୁ ରଦ୍ଦ କରାଯାଇଥିଲା।
