ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସହାୟତା କଲେ ଚମ୍ପୁଆ ଡାକ୍ତର
7:54 pmMay 2, 2020 / 21

ଚମ୍ପୁଆ, ୨।୫(ଡି.ଏନ.ଏ.)- କରୋନା ମହାମାରୀର ମୁକାବିଲାପାଇଁ ରାଜ୍ୟସରକାର ବହୁବିଧି ପଦକ୍ଷେପ ନେଇଥିବାରୁ ଦେଶରେ ଓଡିଶାର ସମ୍ମାନ ବୃଦ୍ଧି କରିଥିବା ବେଳେ କରୋନା ଯୋଦ୍ଧା ଭାବରେ ସେବା କ୍ଷେତ୍ରରେ ନିଜକୁ ସର୍ମପିତ କରିଥିବା ଡାକ୍ତର ମାନଙ୍କୁ ସବୁସ୍ତରର ଜନ ସାଧାରଣ ସାଧୁବାଦ ପ୍ରଦାନ କରୁଛନ୍ତି। ଏହି କରୋନା ଯୋଦ୍ଧା ମାନେ ନିଜ ପରିବାର ବର୍ଗକୁ ପଛରେ ପକାଇ ରୋଗୀସେବାକୁ ଅଗ୍ରାଧିକାର ଦେଇଆସୁଛନ୍ତି। ଏହି ପରିପ୍ରେକ୍ଷୀରେ ସେବା ଯୋଗାଇବା ସହିତ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଆର୍ଥକ ସହାୟତା ପ୍ରଦାନକରି ଚମ୍ପୁଆ ଉପଖଣ୍ଡ ଚିକିତ୍ସାଳୟର ଡାକ୍ତର ସମୂହ ଆଜି ଜନସାଧାରଣଙ୍କ ବିଶ୍ୱାସକୁ ଦୁଇଗୁଣିତ କରିଛନ୍ତି। ଚିକିତ୍ସାଳୟର ଚିକିତ୍ସା ଅଧିକାରୀ ଉମାକାନ୍ତ ସାହୁଙ୍କ ସମେତ ୧୨ଜଣ ଡାକ୍ତର ଓଡିଶା ମେଡିକାଲ ଆସୋସିଏସନ ମାଧ୍ୟମରେ ୩୩,୯୦୦ ଟଙ୍କା ପ୍ରଦାନ କରିଛନ୍ତି। ଡାକ୍ତରଙ୍କ ଏତାଦୃଶ କାର୍ଯ୍ୟକୁ ଜନସାଧାରଣ ଭୂୟସୀ ପ୍ରଶଂସା କରିଛନ୍ତି।