କୁଆଲାଲମ୍ପୁର,୧୫ା୮: ଭାରତୀୟ ଇସ୍ଲାମୀୟ ଧର୍ମଗୁରୁ ଜାକିର ନାଏକଙ୍କୁ ମାଲେସିଆରୁ ବହିଷ୍କାର କରିବା ଲାଗି ୩ ଜଣ ମନ୍ତ୍ରୀ ଦାବି କରିଛନ୍ତି। ୩ ବର୍ଷ ହେଲା ମାଲେସିଆରେ ରହୁଥିବା ଜାକିରଙ୍କ ବିରୋଧରେ ଭାରତରେ ମନିଲଣ୍ଡରିଂ ଏବଂ ଉତ୍ତେଜନାପୂର୍ଣ୍ଣ ଭାଷଣ ଦେବା ନେଇ ମାମଲାର ବିଚାର ଚାଲିଛି। ଭାରତରେ ଥିବା ସଂଖ୍ୟାଲଘୁ ମୁସଲମାନଙ୍କ ତୁଳନାରେ ଦକ୍ଷିଣ-ପୂର୍ବ ଏସୀୟ ରାଷ୍ଟ୍ରରେ ରହୁଥିବା ହିନ୍ଦୁମାନଙ୍କର ୧୦୦ ଗୁଣ ଅଧିକ ଅଧିକାର ଥିବା କହି ସେ ପୁଣି ବିବାଦ ଘେରକୁ ଆସିଛନ୍ତି। ଜାକିର ମୁସଲମାନ ଓ ଅଣମୁସଲମାନମାନଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି ଲକ୍ଷ୍ୟରେ ଏଭଳି କହୁଥିବା ଅଭିଯୋଗ ହୋଇଛି। ମନ୍ତ୍ରୀ ଗୋବିନ୍ଦ ସିଂ ଦେଓ, ଏମ୍. କୁଳଶେଗରନ, ଜାଭିଏର ଜୟକୁମାର ଜାକିରଙ୍କ ବହିଷ୍କାର ଲାଗି ପ୍ରଧାନମନ୍ତ୍ରୀ ମହାଥିର୍ ମହମ୍ମଦଙ୍କୁ ଅନୁରୋଧ କରିଛନ୍ତି।
