ନୂଆଦିଲ୍ଲୀ: ମହାକାଶରେ ଥିବା ବହୁ ମହାଜାଗତିକ ବସ୍ତୁର ଟାର୍ଗେଟରେ ରହିଆସିଛି ପୃଥିବୀ। ବହୁ ସମୟରେ ଏହିସବୁ ବସ୍ତୁ ପୃଥିବୀକୁ ଧକ୍କାଦେବାର ଆଶଙ୍କା ଉପୁଜିଛି। ସୌଭାଗ୍ୟକୁ ଅନେକ କ୍ଷେତ୍ରରେ ତାହା ଘଟିନାହିଁ, ପୃଥିବୀ ରକ୍ଷା ପାଇଯାଇଛି। କିନ୍ତୁ ଏବେ ନାସାର ବୈଜ୍ଞାନିକମାନେ ଏକ ମହାଜାଗତିକ ବସ୍ତୁର ସନ୍ଧାନ କରିଛନ୍ତି, ଯାହା ଅଗଷ୍ଟ ୧୦ରେ ପୃଥିବୀର ଯେଉଁ ସ୍ଥାନକୁ ଏହା ଧକ୍କା ଦେବ ତାହା ଧ୍ୱଂସ ହୋଇପାରେ ବୋଲି କହିଛନ୍ତି । ଏହି ମହାଜାଗିତିକ ବସ୍ତୁର ନାମ ରଖାଯାଇଛି ୨୦୦୬ କ୍ୟୁକ୍ୟୁ୨୩ । ଚିଲିସ୍ଥିତ ବିଶ୍ୱର ସବୁଠାରୁ ବଡ ଦୂରବୀକ୍ଷଣ ଯନ୍ତ୍ର ସାହାଯ୍ୟରେ ଏହାର ଗତିବିଧିକୁ ନିରୀକ୍ଷଣ କରାଯାଉଛି। ଏହାର ଆକାର ଓ ପ୍ର୍ରକାରକୁ ମଧ୍ୟ ଅନୁଧ୍ୟାନ କରାଯାଉଛି।
ଏହି ମହାଜାଗତିକ ବସ୍ତୁକୁ ଅଗଷ୍ଟ୨୧, ୨୦୦୬ରେ ପ୍ରଥମେ ବୈଜ୍ଞାନିକମାନେ ଠାବ କରିଥିଲେ। ସେତେବେଳେ ଏହା ପୃଥିବୀକୁ ଧକ୍କାଦେବାର ଆଶଙ୍କା ଉପୁଜିଥିଲା । କିନ୍ତୁ ତାହା ମହାକାଶରେ କେଉଁଆଡେ ଅପସରିଯାଇଥିଲା। ଏବେ ପୁଣି ଦେଖାଦେଇଛି। ଏହାର ବ୍ୟାସ ୨୫୪ରୁ ୫୬୮ ମିଟର। ଏହା ୨୬୩ ଦିନରେ ସୂର୍ଯ୍ୟକୁ ପରିକ୍ରମଣ କରୁଛି। ପୃଥିବୀ ନିକଟ ଦେଇ ଗତିକରୁଥିବା ଅନେକ ମହାଜାଗତିକ ବସ୍ତୁ ମଧ୍ୟରେ ଏହା ଅନ୍ୟତମ। ଅଗଷ୍ଟ ୧୦ରେ ପୃଥିବୀଠାରୁ ୦.୦୪୯୭୭ ଆଷ୍ଟୋ୍ରନୋମିକାଲ ୟୁନିଟ ଦୂରରେ ରହି ଏହା ଗତି କରିବ ଓ ପୃଥିବୀକୁ ଧକ୍କା ଦେବାର ଆଶଙ୍କା ୭୦୦୦ରୁ ଏକଭାଗ ରହିଛି ବୋଲି ନାସାର ସେଣ୍ଟର ଫର୍ ନିଅର ଆର୍ଥ ଅର୍ବିଟ ଷ୍ଟଡିଜ ପକ୍ଷରୁ ପ୍ରକାଶ କରାଯାଇଛି। ତଥାପି କିଛି ବିପଦ ନାହଁ କହି ଏଡାଇଯିବା ଠିକ୍ ନୁହେଁ ବୋଲି ଗବେଷକମାନେ କହିଛନ୍ତି। କାରଣ, ୨୦୧୩ରେ ରୁଷର ଚେଲିଆମ୍ବିସ୍କରେ ଏକ ମହାଜାଗତିକ ବସ୍ତୁ ପୃଥିତ୍ବୀକୁ ଆଘାତ ଦେଇ ୬୬ ଫୁଟର ଏକ ଗର୍ତ୍ତ କରିଦେଇଥିଲା , ଯାହାଫଳରେ ୧୫ଶହ ଲୋକ ଆହତ ହୋଇଥିଲେ ଓ ବହୁ କ୍ଷତି ଘଟାଇଥିଲା । ୬.୬ ଲକ୍ଷ କୋଟି ବର୍ଷ ପୂର୍ବେ ୧୦ କିଲୋମିଟର ଆକାରର ଏକ କ୍ଷୁଦ୍ର ଗ୍ରହ ପୃଥିବୀକୁ ଧକ୍କା ଦେଇ ଡାଇନୋସର ବଂଶ ଧ୍ୱଂସ କରିଦେଇଥିଲା। ୨୦୧୫ରେ ବସ୍ ଆକାରର ଏକ ମହାଜାଗତିକ ବସ୍ତୁ ପୃଥିତ୍ବୀର ଖୁବ୍ ନିକଟରେ ଗୁଳିର ବେଗଠାରୁ ଦଶଗୁଣ ଅଧିକ ବେଗରେ ଗତିକରିଯାଇଥିଲା, କିନ୍ତୁ ଧକ୍କା ଦେଇନଥିଲା। ଜୁଲାଇ୧୯ରେ ୨୦୧୯ଏନଜେ୨ ପୃଥିତ୍ବୀ ପାଖରେ ଗତିକରୁଥିବା ଲକ୍ଷ୍ୟ କରାଯାଇଥିଲା।
