କାଲିଫର୍ନିଆ: ବିବାହ ବା ରିଲେଶପଶିପରେ ରହିବା ପୂର୍ବରୁ ପରସ୍ପରକୁ ଜାଣିବା ପାଇଁ ପୁଅ-ଝିଅ ଡେଟିଂରେ ଯାଉଥିବା କଥା କିଛି ନୂଆ ନୁହେଁ। ଅନ୍ଲାଇନ୍ ଡେଟିଂ ଆପ୍ରୁ ହେଉ କି ସୋସିଆଲ ମିଡିଆରୁ ପରିଚିତ ବନ୍ଧୁ ହୁଅନ୍ତୁ, ପ୍ରଥମେ ଡେଟ୍ରେ ଯିବାକୁ ସମସ୍ତେ ପସନ୍ଦ କରୁଛନ୍ତି। ହେଲେ ଏହି ଡେଟିଂକୁ ନେଇ କିଛି କୌତୂହଳଜନକ ତଥ୍ୟ ପଦାକୁ ଆସିଛି। ଅଜୁସା ପାସିଫିକ୍ ୟୁନିଭର୍ସିଟି ଏବଂ କାଲିଫର୍ନିଆ ୟୁନିଭର୍ସିଟି ପକ୍ଷରୁ କରାଯାଇଥିବା ଏକ ଅଧ୍ୟୟନରୁ ଜଣାପଡ଼ିଛି ଯେ, ପ୍ରତି ୪ ଜଣରୁ ଜଣେ ଝିଅ ମାଗଣା ଖାଇବା ଲକ୍ଷ୍ୟରେ ଡେଟ୍ରେ ଯାଇଥାନ୍ତି। ରିଲେଶନଶିପ୍ ପ୍ରତି ତାଙ୍କ ଗୁରୁତ୍ୱ ନ ଥାଏ। ବିଶେଷଜ୍ଞଙ୍କ ଅନୁସାରେ ଏହି ନୂଆ ଫିନୋମିନାକୁ ‘ଫୁଡି କଲ’ କୁହାଯାଏ। ଯେଉଁଠି କିଶୋରୀମାନେ ମାଗଣାରେ ଖାଇବାକୁ ପସନ୍ଦ କରନ୍ତି। ଏକ ଅନ୍ଲାଇନ୍ ଅଧ୍ୟୟନରେ ୩୩% ତରୁଣୀ ସ୍ବୀକାର କହିଛନ୍ତି ଯେ, ସେମାନେ ଫୁଡ଼ି କଲ୍ କରନ୍ତି ଓ ଏହା ସେମାନଙ୍କୁ ଠିକ୍ ଲାଗେ। କିନ୍ତୁ ୬୭% ମହିଳା ଏହାକୁ ଅସ୍ବୀକାର କରିଛନ୍ତି। ୩୪ ବର୍ଷ ବୟସର ୩୫୭ ଯୁବତୀଙ୍କୁ ନେଇ ଏହି ଗବେଷଣା କରାଯାଇଥିଲା। ସୋସିଆଲ ସାଇକୋଲିଜିକାଲ ଆଣ୍ଡ ପର୍ସନାଲିଟି ସାଇନ୍ସ ପତ୍ରିକାରେ ପ୍ରକାଶିତ ଏକ ଗବେଷଣାରୁ ଜଣାପଡ଼ିଛି ଯେ, ବିଭିନ୍ନ ପ୍ରକାରର ଫୁଡ଼ି କଲ୍ ଦେଖାଯାଏ। ୮୨୦ ମହିଳାଙ୍କୁ ନେଇ ଏହି ଅଧ୍ୟୟନ କରାଯାଇଥିଲା, ଯେଉଁଥିରେ ରିଲେଶନଶିପ୍ ଓ ଫୁଡ଼ି କଲ୍ ବିଷୟରେ ପଚରା ଯାଇଥିଲା। ତେବେ ଏଥିରୁ ୨୩ ପ୍ରତିଶତ ମହିଳା ଡେଟ୍ରେ ମାଗଣାରେ ଖାଇବାକୁ ଯାଇଥିବା କହିଥିଲେ।
