ମହିଳାଙ୍କ ସନ୍ଦେହଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକ
8:34 pmJune 2, 2020June 2, 2020 / 52

ପଦ୍ମପୁର, ୨ା୬(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ଲକ୍ଷ୍ମୀଦାସପୁର ପଞ୍ଚାୟତର କାଶୀଅଭିରାମ ଗ୍ରାମର ଦ୍ରୌପଦୀ ରାଉତ(୩୦) ନାମ୍ନୀ ମହିଳାଙ୍କୁ ଯୌତୁକ ପାଇଁ ହତ୍ୟା କରାଯାଇଥିବା ଅଭିଯୋଗ ହୋଇଛି। ଦ୍ରୌପଦୀଙ୍କ ବାପା ନରେନ୍ଦ୍ର ରାଉତ ନାୟକାଣିଡିହୀ ଥାନାରେ ତାଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ କରିଥିଲେ। ଏନେଇ ଦଫା ୩୦୨, ୩୦୪(ବି), ୪୯୮, ୩୪ ଆଇପିସିରେ ମାମଲା(ନଂ. ୫୭/୨୦) ରୁଜୁ ହୋଇଛି। ମଙ୍ଗଳବାର ଭଦ୍ରକର ସାଇଣ୍ଟିଫିକ ଟିମ୍‌ ସହ ନାୟକାଣିଡିହୀ ପୋଲିସ ଏସ୍‌ଆଇ ନିରୋଦ କୁମାର ମଲ୍ଲିକ, ଅତିରିକ୍ତ ତହସିଲଦାର ବିଶ୍ୱନାଥ ବିଶ୍ୱାଳ ପହଞ୍ଚତ୍ ତଦନ୍ତ ଆରମ୍ଭ ସହ ମୃତଦେହ ବ୍ୟବଚ୍ଛେଦ ପାଇଁ ଭଦ୍ରକ ପଠାଇଛନ୍ତି।
ନରେନ୍ଦ୍ରଙ୍କ ଅଭିଯୋଗ ଅନୁଯାୟୀ, ୪ବର୍ଷ ପୂର୍ବେ ତାଙ୍କ ଝିଅ ଦ୍ରୌପଦୀଙ୍କୁ ନରହରି ପରିଡ଼ାଙ୍କ ପୁଅ ରାଜେନ୍ଦ୍ରଙ୍କୁ ବୈଦିକ ରୀତିରେ ବିବାହ ଦେଇଥିଲେ। ବିବାହ ପରଠାରୁ ତାଙ୍କର ଶ୍ୱଶୁର, ନଣନ୍ଦ ଓ ଶାଶୁ ମିଶି ଅଧିକ ଯୌତୁକ ଆଣିବା ପାଇଁ ଦାବି କରି ତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଇଆସୁଥିଲେ। ସୋମବାର ସନ୍ଧ୍ୟାରେ ତାଙ୍କ ପରିବାର ଲୋକ ଦ୍ରୌପଦୀଙ୍କ ଦେହ ଅସୁସ୍ଥ ଖବର ପାଇ ପହଞ୍ଚତ୍ଥିଲେ । ସେଠାରେ ତାଙ୍କ ଝିଅ କ୍ଷତାକ୍ତ ଅବସ୍ଥାରେ ମରି ପଡିଥିବା ଦେଖିଥିଲେ।