ମୁମ୍ବାଇ,୬।୩: ମହାରାଷ୍ଟ୍ର ବିଧାନସଭାରେ ଶୁକ୍ରବାର ବଜେଟ ଅଧିବେଶନ ଆରମ୍ଭ ହୋଇଛି। ମହାରାଷ୍ଟ୍ରରେ ଶାସନ କ୍ଷମତା ହାତେଇଥିବା ଶିବସେନାର ଏହା ପ୍ରଥମ ବଜେଟ। ଗୃହରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ଅଜିତ ପାଓ୍ବାର ଚଳିତ ବର୍ଷର ପ୍ରଥମ ବଜେଟ ଉପସ୍ଥାପନ କରିଛନ୍ତି। ଉକ୍ତ ବଜେଟରେ ଚାଷୀଙ୍କ ପାଇଁ ଖୁସି ଖବର ରହିଛି। ରାଜ୍ୟରେ ୨ଲକ୍ଷ ଚାଷୀଙ୍କର ୨ଲକ୍ଷ ଟଙ୍କା ପର୍ଯ୍ୟନ୍ତ ଋଣଛାଡ କରାଯିବାକୁ ଘୋଷଣା କରାଯାଇଛି। ସେହପରି ମହାରାଷ୍ଟ୍ରରେ ୮୦ ପ୍ରତିଶତ ସ୍ଥାନୀୟ ଲୋକଙ୍କୁ ରୋଜଗାର ଯୋଗାଇଦେବା ପାଇଁ ସରକାର ଆଇନ ତିଆରି କରିବେ ବୋଲି ପାଓ୍ବାର ଏହି ବଜେଟ ମାଧ୍ୟମରେ କହିଛନ୍ତି। ଏଥିସହ ରାଜ୍ୟରେ ଡାକ୍ତରଙ୍କ ସଂଖ୍ୟା ବୃଦ୍ଧି କରାଯିବା ସହ ନୂଆ ମେଡିକାଲ କଲେଜ ମଧ୍ୟ ଖୋଲାଯିବ। ଚଳିତ ବର୍ଷ ବଜେଟ ସାଧାରଣ ଲୋକ ଓ ଚାଷୀଙ୍କୁ ସୁହାଇଲା ବୋଲି କରାଯାଇଥିବା କୁହାଯାଉଛି। ଅପରପକ୍ଷେ ବଜେଟ ଉପସ୍ଥାନ ପୂର୍ବରୁ ପାଓ୍ବାର ଏକ ଆର୍ଥିକ ସର୍ଭେ ଉପସ୍ଥାପନ କରିଥିଲେ। ଏହି ସର୍ଭେ ଅନୁସାରେ ଗତବର୍ଷ ଅପେକ୍ଷା ମହାରାଷ୍ଟ୍ରରେ ଚଳିତ ବର୍ଷ ୫୭ହଜାର କୋଟି ଟଙ୍କା ବା ପ୍ରାୟ ୪୭୧୬୪୨ କୋଟି ଟଙ୍କାର ଋଣ ରହିଥିବା ଜଣାପଡ଼ିଛି।
