ନୂଆଦିଲ୍ଲୀ,୨୪।୬: ବିହାରରେ ମସ୍ତିଷ୍କ ଜ୍ୱର ଶିଶୁ ମୃତ୍ୟୁ ଘଟଣାରେ ସୁପ୍ରିମ୍କୋର୍ଟ ସୋମବାର କେନ୍ଦ୍ର ସରକାରଙ୍କ ସହିତ ବିହାର ସରକାରଙ୍କୁ ଧିକ୍କାରିବା ସହିତ ଏନେଇ ରିପୋର୍ଟ ତଲବ କରିଛନ୍ତି। ୧୦ ଦିନ ମଧ୍ୟରେ ରିପୋର୍ଟ ଦାଖଲ ପାଇଁ ସମୟ ସୀମା ଧାର୍ଯ୍ୟ କରାଯାଇଛି। ସର୍ବୋଚ୍ଚ ଅଦାଲତ ସରକାରଙ୍କୁ ସ୍ବାସ୍ଥ୍ୟ ସେବା, ନ୍ୟୁଟ୍ରେସନ୍ ଏବଂ ପରିମଳ ବ୍ୟବସ୍ଥା ଆଦି ୩ଟି ସମସ୍ୟା ଉପରେ ସତ୍ୟପାଠ କରିବାକୁ ନିର୍ଦ୍ଦେଶ ଦେଇଛନ୍ତି। ମନୋହର ପ୍ରତାପ ଏବଂ ସନପ୍ରୀତ୍ ସିଂ ଅଜମାନୀଙ୍କ ପକ୍ଷରୁ ଦାଏର କରାଯାଇଥିବା ଏହି ମାମଲାରେ ଦର୍ଶାଯାଇଥିଲା ଯେ, ମସ୍ତିଷ୍କ ଜ୍ୱର ନିରାକରଣ କ୍ଷେତ୍ରରେ ସରକାର ସମ୍ପୂର୍ଣ୍ଣ ଅସଫଳ ହୋଇଛନ୍ତି।
