ପ୍ରତିଦିନ ଲାଲ୍ ଲଙ୍କା ଖାଇଲେ ଶରୀରର ଅନେକ ଉପକାର ହୋଇଥାଏ। ଏଥିରେ କ୍ୟାପ୍ସେସିନ୍ ନାମକ ରାସାୟନିକ ପଦାର୍ଥ ରହିଥାଏ। ଏହା ସ୍ନାୟୁତନ୍ତ୍ରକୁ ସୁରକ୍ଷିତ ରଖିଥାଏ। ଏହା ମସ୍ତିଷ୍କରେ ଡୋରଫିନ୍ ହରମୋନ୍ କ୍ଷରଣକୁ ତ୍ୱରାନ୍ବିତ କରିଥାଏ। ଫଳରେ ମନରେ ଖୁସି ଜାତ ହୋଇ ମାନସିକ ଚାପ କମ୍ ହୋଇଥାଏ ବୋଲି ସିଓଲ୍ ବିଶ୍ୱବିଦ୍ୟାଳୟରେ ହୋଇଥିବା ଏକ ଗବେଷଣା ରିପୋର୍ଟରେ ଉଲ୍ଲେଖ ରହିଛି। ଏହା ଶରୀରରେ ଥିବା ଅଧିକ କ୍ୟାଲୋରୀକୁ ହ୍ରାସ କରି ମେଦବହୁଳତାରୁ ମୁକ୍ତି ଦେଇଥାଏ। ପାଚନ କ୍ରିୟାକୁ ଏହା ସ୍ବାଭାବିକ କରିଥାଏ। ସେହିପରି ଏହା ବିଭିନ୍ନ ଯନ୍ତ୍ରଣାକୁ ଲାଘବ କରେ। ଏହା ରକ୍ତରେ ଥିବା ଲିକୋସାଇଟ୍କୁ ଆବଶ୍ୟକ ଶକ୍ତି ଯୋଗାଇବାରେ ଗ୍ରହଣ କରିଥାଏ ଗୁରୁତ୍ୱପୂର୍ଣ୍ଣ ଭୂମିକା। ଏହା ରକ୍ତ ସଞ୍ଚାଳନ ବୃଦ୍ଧି କରି ହାର୍ଟ ଆଟାକ୍ ଆଶଙ୍କାକୁ କମ୍ କରିଥାଏ। ଲାଲ୍ ଲଙ୍କା ବିଭିନ୍ନ ଫୁସଫୁସ ରୋଗରୁ ମୁକ୍ତି ଦେଇଥାଏ ବୋଲି ଏହି ରିପୋର୍ଟରେ ଦର୍ଶାଯାଇଛି।
