ପାଟଣା,୧୯।୪(ସ୍ବ.ପ୍ର.)-ପାଟଣା ବ୍ଲକ ମୁଖ୍ୟାଳୟ ସ୍ଥିତ ଅଗ୍ରଣୀ ବ୍ୟାଙ୍କ, ବ୍ୟାଙ୍କ ଅଫ ଇଣ୍ଡିଆ, ସ୍ବାମ ପାଟଣା ତରଫରୁ ଶନିବାର ଭ୍ରାମ୍ୟମାଣ ଭ୍ୟାନ ଯୋଗେ ବ୍ୟାଙ୍କ ଅଧିକାରୀ ଗାଁକୁ ଗାଁ ବୁଲି ହିତାଧିକାରୀଙ୍କୁ ଉଜ୍ବଳା ଓ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ଆସିଥିବା କରୋନା ସହାୟତା ଅର୍ଥ ରାଶି ଯୋଗାଇ ଦେଇଛନ୍ତି। ଏହି କାର୍ଯ୍ୟକ୍ରମକୁ କେନ୍ଦୁଝର ବ୍ୟାଙ୍କ ଅଫ ଇଣ୍ଡିଆର ଆଞ୍ଚଳିକ ପ୍ରବନ୍ଧକ ସୌନ୍ଦର୍ଯ୍ୟ ଭୂଷଣ ସାହାଣୀ ଓ ପାଟଣା ଶାଖା ପରିଚାଳକ ଗୋବିନ୍ଦ ସାହୁଙ୍କ ତତ୍ତ୍ୱାବଧାନରେ ୧୦ ଟି ସର୍ଭିସ ଗ୍ରାମର ୧୮୧ ଜଣ ବୃଦ୍ଧ, ମହିଳା ଓ ଦିବ୍ୟାଙ୍ଗ ହିତାଧିକାରୀଙ୍କୁ ଯୋଗାଇ ଦିଆଯାଇଛି। ସୂଚନା ଯୋଗ୍ୟ ଯେ, କରୋନା ସକାଶେ ଦେଶ ଲକ ଡାଉନ ରହିଥିବା ବେଳେ ଗ୍ରାହକଙ୍କୁ ବ୍ୟାଙ୍କକୁ ନ ଆସି କେନ୍ଦ୍ରସରକାରଙ୍କର କରୋନା ସହାୟତା ରାଶି ଘର ମୁଁହ ରେ ଯୋଗାଇ ଦେବାକୁ ବ୍ୟାଙ୍କ ଅଫ ଇଣ୍ଡିଆର ଏହି ପ୍ରୟାସ ବୋଲି ଶାଖା ପରିଚାଳକ ଗୋବିନ୍ଦ ସୂଚନା ଦେଇଛନ୍ତି। ହିତାଧିକାରୀଙ୍କୁ ଉଜ୍ବଳା ଯୋଜନାରେ ୮୦୪ ଟଙ୍କା ଓ ଜନଧନ ଯୋଜନା ରେ ୫୦୦ ଟଙ୍କା ଲେଖାଏ ପ୍ରଦାନ କରାଯାଇଛି।
