ଭୁବନେଶ୍ୱର,୨୦।୬(ବ୍ୟୁରୋ): ଭୁବନେଶ୍ୱର ମହାନଗର ଅଞ୍ଚଳରେ ଶନିବାର ଆଉ ୧୯ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସେଥିରୁ ୪ଜଣ ହୋମ୍ କ୍ୱାରାଣ୍ଟାଇନ୍ କେସ୍ ଥିବା ବେଳେ ୧୫ ଲୋକାଲ କେସ୍ ରହିଛି। ସେହିଭଳି ୩ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏନେଇ ବିଏମ୍ସି ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
ହୋମ୍ କ୍ୱାରାଣ୍ଟାଇନ୍ରେ ଥିବା ୪ ଆକ୍ରାନ୍ତ ପୁରୁଷ(୪୩,୫୫,୪୪,୩୨ ବର୍ଷ)। ସମସ୍ତେ ରେଳ ବିଭାଗ କର୍ମଚାରୀ। ସେମାନେ ଦିଲ୍ଲୀ ଗସ୍ତ ନେଇ ସୂଚନା ରହିଛି।
୧୫ ଲୋକାଲ୍ କେସ ମଧ୍ୟରୁ ୬ଜଣ ରାଜଧାନୀର ଏକ ଘରୋଇ ହସ୍ପିଟାଲର କର୍ମଚାରୀ। ସେମାନଙ୍କ ମଧ୍ୟରେ ୩ଜଣ ମହିଳା(୨୭,୨୪,୨୧ ବର୍ଷ) ରହିଥିବା ବେଳେ ୨ ଜଣ ପୁରୁଷ(୨୧, ୩୩ ବର୍ଷ) ଅଛନ୍ତି। ଅନ୍ୟ ଏକ ଘରୋଇ ହସ୍ପିଟାଲର ୨ କର୍ମଚାରୀଙ୍କୁ ମଧ୍ୟ କରୋନା ହୋଇଛି। ଏହାଛଡ଼ା ଡୁମ୍ଡୁମା ସୁବାସ ନଗର ବସ୍ତିରୁ ୫ଜଣ, ସରକାରୀ ହସ୍ପିଟାଲର ୫୧ ବର୍ଷୀୟ କର୍ମଚାରୀ, ଲକ୍ଷ୍ମୀସାଗର ବସ୍ତିର ଜଣେ ୯ ବର୍ଷୀୟ ବାଳକ ରହିଥିବା ବିଏମ୍ସି ପକ୍ଷରୁ ସୂଚନା ଦିଆଯାଇଛି।
ନୂତନ ଆକ୍ରାନ୍ତକୁ ମିଶାଇ ଭୁବନେଶ୍ୱରରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧୮୪ ହୋଇଛି। ସେଥିରୁ ୯୪ ଆକ୍ଟିଭ୍ କେସ୍ ରହିଥିବା ବେଳେ ୮୬ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ୩ଜଣଙ୍କ ମୃତ୍ୟୁ ଘଟିଛି।
