କ୍ରିକେଟ ଏମିତି ଏକ ଖେଳ ଯେଉଁଠି ପ୍ରତି ମ୍ୟାଚ୍ରେ କିଛି ରେକର୍ଡ ସଷ୍ଟି ହୁଏ, ଆଉ କିଛି ରେକର୍ଡ ଭାଙ୍ଗେ। କେଉଁ ମ୍ୟାଚ୍ରେ ବ୍ୟାଟ୍ସମ୍ୟାନ୍ ରେକର୍ଡ କରନ୍ତି ତ ଆଉ କେବେ ବୋଲ୍ର କୀର୍ତ୍ତିମାନ ହାସଲ କରନ୍ତି। ତେବେ ଅନ୍ତର୍ଜାତୀୟ କ୍ରିକେଟ ଉପରେ ଯଦି ନଜର ପକାଇବା ତେବେ, ଅଧିକାଂଶ ରେକର୍ଡ କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକରଙ୍କ ନାମରେ ହିଁ ରହିଛି। ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ପାଳି ଖେଳିବାର ରେକର୍ଡ ମଧ୍ୟ ତାଙ୍କ ନାଁରେ ରହିଛି। ସେ ଟେଷ୍ଟ, ଏକଦିବସୀୟ ଏବଂ ଟି-୨୦କୁ ମିଶାଇ ମୋଟ ୭୮୨ଟି ଇନିଂଶ ଖେଳିଛନ୍ତି। ତେବେ ଭାରତ ପାଇଁ ଆଉ ଦୁଇଜଣ ଖେଳାଳି ୫୦୦ରୁ ଅଧିକ ଇନିଶଂ ଖେଳିଛନ୍ତି। ସେହି ଦୁଇଜଣ ଖେଳାଳି ହେଲେ ରାହୁଲ ଦ୍ରାଭିଡ ଏବଂ ମହେନ୍ଦ୍ର ସିଂ ଧୋନୀ। ସଚିନ୍ ୭୮୨ଟି ଇନିଂଶ ଖେଳି ୪୮.୫୨ ହାରରେ ୩୪,୩୫୭ ରନ୍ କରିଥିବାବେଳେ ସେଥିରେ ୧୦୦ଟି ଶତକ ଏବଂ ୧୬୪ଟି ଅର୍ଦ୍ଧଶତକ ସାମିଲ ଅଛି। ସେହିପରି ଦ୍ରାଭିଡ ୬୦୫ଟି ଇନିଂଶ ଖେଳି ୪୫.୪୫ ହାରରେ ୨୪,୨୦୮ ରନ୍ ସ୍କୋର କରିବା ସହ ୪୮ ଶତକ ଏବଂ ୧୪୬ଟି ଅର୍ଦ୍ଧଶତକ ମାରିଛନ୍ତି। ଧୋନୀ ଏପର୍ଯ୍ୟନ୍ତ ୫୨୬ଟି ପାଳି ଖେଳି ୪୫ ହାରରେ ୧୭,୨୬୬ରନ୍ ସ୍କୋର କରିଛନ୍ତି। ସେଥିରେ ୧୬ଟି ଶତକ ଏବଂ ୧୦୮ଟି ଅର୍ଦ୍ଧଶତକ ସାମିଲ ରହିଛି।
