ଲଣ୍ଡନ,୨୬।୭(ପି.ଟି.):ବ୍ରିଟେନ୍ର ନୂଆ ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ ୩ ଜଣ ଭାରତୀୟ ବଂଶୋଦ୍ଭବଙ୍କୁ ନିଜ ମନ୍ତ୍ରିମଣ୍ଡଳରେ ସାମିଲ କରିଛନ୍ତି। ରାଣୀ ଏଲିଜାବେଥ୍ ଦ୍ୱିତୀୟଙ୍କ ଦ୍ୱାରା ବୋରିସ୍ ବ୍ରିଟେନ୍ର ନୂଆ ପ୍ରଧାନମନ୍ତ୍ରୀ ଭାବେ ନିଯୁକ୍ତି ପାଇବାର କିଛି ଘଣ୍ଟା ପରେ ସେ ପ୍ରୀତି ପଟେଲ୍ଙ୍କୁ ସ୍ବରାଷ୍ଟ୍ର ସଚିବ, ଆଲୋକ ଶର୍ମାଙ୍କୁ ଅନ୍ତର୍ଜାତୀୟ ଉନ୍ନୟନ ସଚିବ ଏବଂ ଋଷି ସୌନକଙ୍କୁ ଟ୍ରେଜେରି ମୁଖ୍ୟ ସଚିବ ଭାବେ ନିଯୁକ୍ତି ଦେଇଛନ୍ତି। ସେମାନେ ଗୁରୁବାର ପୂର୍ବାହ୍ନରେ ୧୦ ଡାଉନିଂ ଷ୍ଟ୍ରିଟ୍ରେ କ୍ୟାବିନେଟ୍ ବୈଠକରେ ଯୋଗ ଦେଇଥିଲେ।
ବୁଧବାର ତାଙ୍କର ପ୍ରଥମ ବକ୍ତୃତାରେ କହିଥିଲେ, ‘ଆମେ ଆମ ଗଣତନ୍ତ୍ରରେ ବିଶ୍ୱାସ ପୁନଃ ସ୍ଥାପନ କରିବା ଏବଂ ଜନସାଧାରଣଙ୍କୁ ଦିଆଯାଉଥିବା ପ୍ରତିଶ୍ରୁତି ପାଳନ କରିବା। ଏଥିସହିତ ଦୋଦୋପାଞ୍ଚ ନ ହୋଇ ଅକ୍ଟୋବର ୩୧ରେ ୟୁରୋପୀୟ ୟୁନିୟନ୍ରୁ ଓହରି ଆସିବାକୁ ପଡ଼ିବ।’ ବୋରିସ୍ଙ୍କ ଅନୁଗତ ତଥା ବ୍ରେକ୍ଜିଟ୍ ସପକ୍ଷବାଦୀ ପ୍ରଚାରକ ପଟେଲ ବର୍ତ୍ତମାନ ବ୍ରିଟେନ୍ର ନିରାପତ୍ତା, ଆପ୍ରବାସନ ଏବଂ ଭିଜା ପଲିସି ଦାୟିତ୍ୱରେ ରହିବେ।
