ମେକ୍ସିକୋ,୧୨।୧୧:ସାଧାରଣତଃ ରାସ୍ତାରେ ବୁଲୁଥିବା କୁକୁରଙ୍କୁ କେହି ଧ୍ୟାନ ଦେଇ ନ ଥାନ୍ତି। କେହି ବୁଲାକୁକୁରଙ୍କୁ ଢେଲା ଫୋପାଡିଲାଣି ତ ଆଉ କିଏ ପାଣି। ଏମିତି ଅସହାୟ ଅବସ୍ଥାରେ ଜୀବନ ବିତାନ୍ତି ବୁଲାକୁକର। କିନ୍ତୁ ମେକ୍ସିକୋର ଜଣେ ବ୍ୟକ୍ତି ବୁଲାକୁକୁରଙ୍କୁ ସାହାରା ଦେବା ପାଇଁ ଆଗେଇ ଆସିଛନ୍ତି। ସେ ହେଉଛନ୍ତି ଏଡଗାର୍ଡୋ ପେରୋସ। ଷ୍ଟୁଆର୍ଟ ଓ୍ବିଲିୟମ୍ସ ନାମକ ଜଣେ ଫଟୋଗ୍ରାଫର ନିଜ କ୍ୟାମେରାରେ ଏଡଗାର୍ଡୋଙ୍କ କାହାଣୀ ଶୁଟ୍ କରି ନିଜ ସୋସିଆଲ ମିଡିଆରେ ଛାଡିଛନ୍ତି। ବୁଲାକୁକୁରଙ୍କୁ ଏକ ସୁରକ୍ଷିତ ସ୍ଥାନକୁ ନେବା ପାଇଁ ୧୪ ଶହ କିମି ପାଦରେ ଚାଲିଛନ୍ତି ଏଡଗାର୍ଡୋ। ଏକ ଟ୍ରଲିରେ ସେ କୁକୁରଙ୍କୁ ବୋହି ନେଇଯାଉଥିଲାବେଳେ ଷ୍ଟୁଆର୍ଟଙ୍କ ନଜର ପଡିଥିଲା। ପରେ ସେ ତାଙ୍କ ପାଖରେ ଅଟକି ପୂରା କାହାଣୀ ଶୁଣିଥିଲେ। ଗତ ୬ ବର୍ଷ ଭିତରେ ୫୦୦ରୁ ଊର୍ଦ୍ଧ୍ୱ ଆହତ ବୁଲାକୁକୁରଙ୍କ ଚିକିତ୍ସା କରି ଜୀନବ ବଞ୍ଚାଇଛନ୍ତି। ୪୯ ବର୍ଷୀୟ ଏଡଗାର୍ଡୋଙ୍କ କହିବା ଅନୁଯାୟୀ, ବାକି ଜୀବନ କୁକୁରଙ୍କ ସେବାରେ ଲଗାଇବାକୁ ଚାହେଁ। ସେମାନଙ୍କୁ ସହାୟତା କରିବା ଆମ ଧର୍ମ ବୋଲି ସେ କହିଛନ୍ତି।
