ଜୟପୁର,୫ା୬(ଡି.ଏନ୍.ଏ.): ଜୟପୁର ଗାଗନାପୁର ସ୍ଥିତ ବିଲ୍ଟ ସେୱା କାଗଜକଳରେ ପୁଣି ଅଶାନ୍ତି ଦେଖାଦେଇଛି। ବୁଧବାର ପୂର୍ବାହ୍ନରୁ ଠିକା ଶ୍ରମିକ କାରଖାନାକୁ ଯିବାବେଳେ ସୁରକ୍ଷାବଳ ସେମାନଙ୍କୁ ପ୍ରବେଶ କରାଇ ଦେଇନାହାନ୍ତି। ଠିକା ଶ୍ରମିକ କାର୍ଯ୍ୟରେ ଯୋଗ ନଦେବା ପାଇଁ କାଗଜକଳ କର୍ତ୍ତୃପକ୍ଷ ମନା କରିଛନ୍ତି। ଏନେଇ ଠିକା ଶ୍ରମିକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି। ଶତାଧିକ ଠିକା ଶ୍ରମିକ କାଗଜକଳ ମୁଖ୍ୟ ଫାଟକ ଆଗରେ ଧାରଣା ଦେଇଛନ୍ତି।
ସୂଚନା ଅନୁଯାୟୀ, ଯେଉଁ ଠିକା ଶ୍ରମିକଙ୍କ ଆବଶ୍ୟକତା ରହିଛି, ସେହିମାନଙ୍କୁ କାର୍ଯ୍ୟରେ ଲଗାଯାଇ ଅନ୍ୟମାନଙ୍କୁ କାରଖାନା ଭିତରକୁ ନ ଛାଡ଼ିବା ପାଇଁ କାଗଜକଳ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲେ। କାଗଜକଳରେ ୭୦୦ ଜଣ ଠିକା ଶ୍ରମିକ ରହିଥିବା ବେଳେ ମାତ୍ର ୫୦ରୁ ୬୦ ଜଣଙ୍କୁ ପ୍ରବେଶ କରାଯାଇ ଅନ୍ୟମାନଙ୍କୁ କାର୍ଯ୍ୟରେ ଯୋଗଦେବା ପାଇଁ ଅନୁମତି ଦିଆଯାଇ ନ ଥିଲା। ତେଣୁ ସେମାନେ ଏହାର ବିରୋଧ କରିଥିଲେ। ଦୀର୍ଘ ୭ ମାସ ହେଲା ଠିକା ଶ୍ରମିକଙ୍କ ଦରମା ଦିଆଯାଇ ନଥିବା ବେଳେ ଏବେ ସେମାନଙ୍କୁ କାର୍ଯ୍ୟରୁ ଅନ୍ତର କରିବା ନିଷ୍ପତ୍ତି ପାଇଁ କାଗଜକଳ କର୍ତ୍ତୃପକ୍ଷଙ୍କ ଉପରେ ଭୀଷଣ କ୍ଷୁବ୍ଧ ହୋଇ ଧାରଣା ଦେଇଛନ୍ତି ଠିକା ଶ୍ରମିକ। ସଂସ୍ଥାର ମାନବ ସମ୍ବଳ ବିକାଶ ବିଭାଗ ମ୍ୟାନେଜର ଶକ୍ତି ପ୍ରସାଦ ମିଶ୍ର ଓ ସହକାରୀ ମ୍ୟାନେଜର କୃଷ୍ଣଚନ୍ଦ୍ର ସାହୁ ଘଟଣାସ୍ଥାଳରେ ପହଞ୍ଚତ୍ ଠିକା ଶ୍ରମିକଙ୍କୁ ବୁଝାଶୁଝା କରିଥିଲେ। କିନ୍ତୁ ଶ୍ରମିକମାନେ ପାଲଟା ପରିଚାଳନା ଅଧିକାରୀଙ୍କୁ ଘେରିବାରୁ ପରିସ୍ଥିତି ଅଣାୟତ୍ତ ହୋଇପଡ଼ିଥିଲା। ଖବରପାଇ ଗାଗନାପୁର ପୋଲିସ ଫାଣ୍ଡି ଅଧିକାରୀ କବିରାଜ ସାହୁ ଓ ଅନ୍ୟ କର୍ମଚାରୀ ସେଠାରେ ପହଞ୍ଚତ୍ଥିଲେ। ପରେ ହାଇଦ୍ରାବାଦ ସ୍ଥିତ କାଗଜକଳର ହାଇକମାଣ୍ଡଙ୍କ ସହ ଆଲୋଚନା ପରେ ସମସ୍ତ ଶ୍ରମିକଙ୍କୁ ପ୍ରବେଶ କରାଯିବା ସହ କାର୍ଯ୍ୟରେ ନିୟୋଜିତ କରାଯାଇଥିଲା। ଏଠାରେ ଉଲ୍ଲେଖଯୋଗ୍ୟ ଯେ ବିଲ୍ଟ କାଗଜକଳର ଉପତ୍ାଦନ ଗତ ଏପ୍ରିଲ ୨୦ରୁ ବନ୍ଦ ରହିଛି। ଏପରିକି କମ୍ପାନିର ୪୭୦ରୁ ଅଧିକ ସ୍ଥାୟୀ କର୍ମଚାରୀଙ୍କୁ ମଧ୍ୟ ଗତ ୪ ମାସର ଦରମା ଦିଆଯାଇ ନାହିଁ। ପରେ ପ୍ରଶାସନର ମଧ୍ୟସ୍ଥତାରେ ଅନୁଷ୍ଠିତ ବୈଠକରେ କର୍ତ୍ତୃପକ୍ଷ ସମସ୍ତ ବକେୟା ଦରମା ଦେବା ପାଇଁ ପ୍ରତିଶ୍ରୁତି ଦେଇଥିଲେ।
