ନୂଆଦିଲ୍ଲୀ,୮।୧୧: ଦେଶର ଅର୍ଥବ୍ୟବସ୍ଥା ଇତିହାସରେ ନଭେମ୍ବର ୮ ଏକ ଖାସ୍ ଦିନ ଭାବେ ଧରାଯାଇଛି। ୨୦୧୬, ନଭେମ୍ବର ୮ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିମୁଦ୍ରୀକରଣ ଘୋଷଣା କରି ପ୍ରଚଳିତ ୧୦୦୦ ଏବଂ ୫୦୦ଟଙ୍କିଆ ନୋଟ ଅଚଳ କରିଥିଲେ। ନୋଟବନ୍ଦୀର ୩ ବର୍ଷ ପରେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମୋଦି ସରକାରଙ୍କ ଉପରେ ବର୍ଷିଛନ୍ତି। ନୋଟବନ୍ଦୀ ଏକ ବିପର୍ଯ୍ୟୟ ଥିଲା। ଯାହା ଆମ ଅର୍ଥବ୍ୟବସ୍ଥାକୁ ନଷ୍ଟ କରିଦେଇଥିଲା ବୋଲି ସେ କହିଛନ୍ତି। ସେହିପରି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି ଦ୍ୱାରା କୃଷକ, ଯୁବଗୋଷ୍ଠୀ ଏବଂ ରୋଜଗାର ଆଦି ସବୁ ପ୍ରଭାବିତ ହୋଇଥିଲା। ମୁଁ ଆରମ୍ଭରୁ କହିଥିଲି ନୋଟବନ୍ଦୀ ଆମ ଅର୍ଥବ୍ୟବସ୍ଥାକୁ ଦେବାଳିଆ କରିଦେବ ବୋଲି ସେ କହିଛନ୍ତି।
