ରୂପ୍ସା, ୨୭ା୧୦(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ସମେତ ରୂପ୍ସା ଥାନା ଅଞ୍ଚଳରେ ୨ ଦିନ ଧରି ଶହ ଶହ ବେଆଇନ ବାଣ ଦୋକାନ ଦେଖିବାକୁ ମିଳୁଛି। ପ୍ରଶାସନ ପକ୍ଷରୁ ବାଣ ତିଆରି ଓ ବିକ୍ରୀ ଉପରେ କଡାକଡି କଟକଣା ଲାଗୁ ହୋଇଥିଲେ ହେଁ ଅବାଧରେ ବାଣ ବିକ୍ରି ଯୋଗୁ ଅସନ୍ତୋଷ ଦେଖାଦେଇଛି। ଫୁଲାଡି, ହଳଦୀପଦା, କଷାଫଳ, ସାର୍ଥା ଓ ରୂପ୍ସା ଆଦି ଅଞ୍ଚଳରେ ଜନଗହଳିପୂର୍ଣ୍ଣ ସ୍ଥାନରେ ଖୋଲାଯାଇଥିବା ଅସ୍ଥାୟୀ ଦୋକାନରେ ପ୍ରବଳ ଭିଡ ପରିଲକ୍ଷିତ ହୋଇଛି। ୩ଦିନ ଧରି ଲଗାଣ ବର୍ଷା ପରେ ଶନିବାର ଓ ରବିବାର ବିନା ଲାଇସେନ୍ସରେ ବାଣ ବିକ୍ରି ଆରମ୍ଭ ହୋଇଛି। ଅପରପକ୍ଷରେ ବିଭିନ୍ନ ବିସ୍ଫୋରକ ସାମଗ୍ରୀକୁ ନେଇ ଆସନ୍ନ ବିପଦକୁ ମଧ୍ୟ ଏଡାଇଦିଆଯାଇ ପାରେନା ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।
