ବଅଁରପାଳ, ୩୦।୧୨ (ଡି.ଏନ୍.ଏ.) – ବଅଁରପାଳ ବ୍ଲକ ବଳରାମପ୍ରସାଦ ବଡ଼ତଇଳା ସାହିରେ କିଡ୍ନୀ ରୋଗୀଙ୍କ ସଂଖ୍ୟ ବୃଦ୍ଧି ପାଇବାରେ ଲାଗିଛି। ବର୍ଷକ ମଧ୍ୟରେ ୬ ଜଣଙ୍କ ମୃତ୍ୟୁ ହୋଇଥିବାବେଳେ ଏବେ ୧୦ରୁ ଊର୍ଦ୍ଧ୍ୱ ଏହି ରୋଗରେ ଚିକିତ୍ସାଧୀନ ଅଛନ୍ତି। ତେବେ ଏ ନେଇ ସ୍ବାସ୍ଥ୍ୟ ବିଭାଗ ନିକଟରେ ଖବର ନ ଥିବା ଜଣାପଡ଼ିଛି।
ନାଲ୍କୋ ପାଉଁଶ ପୋଖରୀ ନିକଟରେ ରହିଛି ଏହି ସାହି। ଏଠାରେ ପ୍ରାୟ ୬ ଶହରୁ ଊର୍ଦ୍ଧ୍ୱ ଲୋକ ବାସ କରୁଛନ୍ତି। ସାହିରେ ପିଇବା ପାଣି ସମସ୍ୟା ସହ ଅନେକ ସମୟରେ ନଳକୂପରୁ ନାଲି ପାଣି ବାହାରୁଥିବା ସାହିବାସୀ ପ୍ରକାଶ କରିଛନ୍ତି। ସେହିପରି ଖୋଲା କୂଅରେ ଧୂଳିଧୂଅଁ। ଓ ପାଉଁଶ ପଡ଼ୁଥିବା ଯୋଗୁ ଏହି ପାଣିକୁ ପାନୀୟ ଜଳ ଭାବେ ଲୋକମାନେ ବ୍ୟବହାର କରିବାକୁ ଭୟ କରୁଛନ୍ତି। ତେବେ ପିଇବା ପାଣି ଓ ଅନ୍ୟାନ୍ୟ ସମସ୍ୟା ଯୋଗୁ ସାହିରେ କିଡ୍ନୀ ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବା ଅଭିଯୋଗ ହେଉଛି। ପୂର୍ବରୁ ଏହି ରୋଗରେ ବୀର ସାହୁ, ତାଙ୍କ ପୁଅ ସୁର ସାହୁ, ରମ୍ଭା ସାହୁ, ପତ୍ନୀ ସାହୁ ଓ ପଦ୍ମା ସାହୁଙ୍କ ମୃତ୍ୟୁ ହୋଇଥିବାବେଳେ ୧୪ ଦିନ ପୂର୍ବରୁ ଜିତେନ୍ଦ୍ର ବେହେରାଙ୍କ ଏହି ରୋଗରେ ମୃତ୍ୟୁ ହୋଇଛି। ସେହିପରି ଦୁଲର୍ଲଭ ସାହୁ, ଟୁନି ସାହୁ, ଗୋପୀ ସାହୁଙ୍କ ସମେତ ୧୦ରୁ ଅଧିକ ଲୋକ ଏଥିରେ ଆକ୍ରାନ୍ତ ହୋଇଛନ୍ତି। ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିଲେ ବି ସ୍ବାସ୍ଥ୍ୟ ବିଭାଗର କର୍ମଚାରୀ ଗଁ।ରେ ପହଞ୍ଚତ୍ ନ ଥିବା ସାହିବାସୀ ପ୍ରକାଶ କରିଛନ୍ତି। ଏ ନେଇ ଲୋକେ ସ୍ଥାନୀୟ ବିଧାୟକଙ୍କ ଠାରୁ ଆରମ୍ଭ କରି ଜିଲା ପ୍ରଶାସନ ନିକଟରେ ଅଭିଯୋଗ କରିଛନ୍ତି। କିନ୍ତୁ ସ୍ଥାୟୀ ସମାଧାନ କରାଯାଇ ନ ଥିବା ସାହିବାସୀ ଅଭିଯୋଗ କରିଛନ୍ତି। ଆକ୍ରାନ୍ତଙ୍କ ସମ୍ପର୍କରେ କୌଣସି ଖବର ସ୍ବାସ୍ଥ୍ୟ ବିଭାଗ ପାଖରେ ନ ଥିବା ବଅଁରପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଜଣେ ଡାକ୍ତର ପ୍ରକାଶ କରିଛନ୍ତି। ଏ ସମ୍ପର୍କରେ ସାହିର ସଂସାର ସାହୁ କୁହନ୍ତି, ଦୀର୍ଘ ଦିନ ହେଲା ୧୦ରୁ ଊର୍ଦ୍ଧ୍ୱ ଲୋକ କିଡ୍ନୀ ରୋଗରେ ଆକ୍ରାନ୍ତ ରହିଛନ୍ତି। ବର୍ଷକ ମଧ୍ୟରେ ୬ ଜଣଙ୍କ ମୃତ୍ୟୁ ହୋଇଛି। କିନ୍ତୁ ଏ ପର୍ଯ୍ୟନ୍ତ ପ୍ରଶାସନ କିମ୍ବା ସ୍ବାସ୍ଥ୍ୟକେନ୍ଦ୍ର ପକ୍ଷରୁ କାହାରି ଦେଖା ମିଳୁନାହିଁ। ୨୭ ନମ୍ବର ଜିଲା ପରିଷଦ ସଭ୍ୟା ମଞ୍ଜୁଲତା ସାହୁ କହିଛନ୍ତି, ପ୍ରକୃତ ପକ୍ଷରେ ସାହିରେ ଲୋକମାନେ ଦୂଷିତ ପାଣି ବ୍ୟବହାର କରି କିଡ୍ନୀ ରୋଗରେ ଆକ୍ରାନ୍ତ ହେଉଛନ୍ତି। ଏ ନେଇ ପ୍ରଶାସନିକ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛି।
