କାକଟପୁର, ୪।୭(ଡି.ଏନ୍.ଏ.)-ମହାପ୍ରଭୁଙ୍କ ରଥଯାତ୍ରା ପାଇଁ ପୁରଠାରୁପଲ୍ଲୀ ଉତ୍ସବମୁଖର ହୋଇପଡ଼ିଛି। ଅସ୍ତରଙ୍ଗ ବ୍ଲକର ବରଡିହି, କଣମଣ, କାକଟପୁର ବ୍ଲକର ଆନନ୍ଦ ବଜାର, ପ୍ରାଚୀ ଉପତ୍ୟକାର ତୁଳସୀପୁର ପ୍ରଭୃତି ଗ୍ରାମରେ ରଥଯାତ୍ରା ଆଧ୍ୟାତ୍ମିକ ପରିବେଶ ମଧ୍ୟରେ ପାଳିତ ହୋଇଯାଇଛି। ଠାକୁରମାନଙ୍କୁ ରଥାରୁଢ଼ କରି ଗ୍ରାମବାସୀ ଓ ଶ୍ରଦ୍ଧାଳୁ ରଥଟାଣିଥିଲେ। ଠାକୁରମାନେ ଘରଘର ଭୋଗଖାଇ ଶେଷରେ ଗୁଣ୍ଡିଚାମନ୍ଦିର ନିକଟରେ ପହଞ୍ଚତ୍ଥିଲେ। ଶୁକ୍ରବାର ଠାକୁରମାନଙ୍କୁ ରଥରୁ ପହଣ୍ଡିରେ ଗୁଣ୍ଡିଚା ମନ୍ଦିରକୁ ନିଆଯିବ। ଅସ୍ତରଙ୍ଗ ବ୍ଲକର ବନ୍ତିଳୋ ଗ୍ରାମରେ ଚତୁର୍ଦ୍ଧାମୂର୍ତ୍ତୀଙ୍କୁ ଗ୍ରାମବାସୀ ପହଣ୍ଡିକରି ରଥାରୁଢ଼ କରିଥିବାବେଳେ ସେଠାରେ ଶୁକ୍ରବାର ରଥଟଣା ହେବ। ତୁଳସୀପୁର ଗ୍ରାମବାସୀମାନେ ଗଁାଠାରୁ ୪କିମି ଦୂର ପ୍ରାଚୀ ନଦୀକୂଳ ବନ୍ଧେଶ୍ୱର ଗ୍ରାମରେ ପୂଜା ପାଉଥିବା ଶ୍ରୀଗୁରୁଦେବଠାକୁରଙ୍କୁ ପାଲିଙ୍କିରେ ନିଜ ଗ୍ରାମକୁ ଆଣି ରଥାରୁଢ଼ କରିବାପରେ ରଥଟଣା ହୋଇଥିଲା। ରଥଯାତ୍ରା ପାଇଁ ସମଗ୍ର ପ୍ରାଚୀଉପତ୍ୟକା ଉତ୍ସବମୁଖର ହୋଇପଡ଼ିଛି।
