ରସୁଲପୁର,୪ା୧(ଡିଏନଏ): ରସୁଲପୁର ବ୍ଲକ ଅଧୀନ ୧୧ଟି ପ୍ରାଥମିକ କୃଷି ସେବା ସମିତି(ପାକ୍ସ) ରହିଛି। ସେଥିରୁ ପ୍ରଥମଖଣ୍ଡ ସେବା ସମିତି ଧାନ ମଣ୍ଡି ଖୋଲିବାରେ ଆଗୁଆ ରହିଛି। ଏହି ସମିତି ଜରିଆରେ ୨୫ଶହ କୁଇଣ୍ଟାଲ ଧାନ ସଂଗ୍ରହ କରିବାକୁ ଲକ୍ଷ୍ୟ କରାଯାଇଛି। ଏଥିପାଇଁ ଦୁଇଟି ମିଲରଙ୍କୁ ନିଯୁକ୍ତ କରାଯାଇଛି। ଚାଷୀଙ୍କୁ ଚିହ୍ନଟ କରିବା ପାଇଁ ଆଇ ସ୍କାନର ବ୍ୟବହାର ଉପରେ ଗୁରୁତ୍ୱାରୋପ କରାଯାଇଛି। ମଣ୍ଡିକୁ ଧାନ ଆଣିବାବେଳେ ଚାଷୀମାନେ ଝୋଟରେ ତିଆରି ବସ୍ତା ବ୍ୟବହାର କରିବାକୁ ପରାମର୍ଶ ଦିଆଯାଇଛି। କୌଣସି କାରଣରୁ ପଞ୍ଜୀକୃତ ଚାଷୀ ମଣ୍ଡିକୁ ଧାନ ଆଣିବାକୁ ଅକ୍ଷମତା ପ୍ରକାଶ କଲେ ଏବଂ ଏନେଇ ସମତିକୁ ଜଣାଇଲେ ସମିତି ସମ୍ପାଦକ, ଡାଟା ଏଣ୍ଟ୍ରି ଅପରେଟରମାନେ ଚାଷୀ ଘରେ ପହଞ୍ଚି ଧାନ କିଣିବାକୁ ପରାମର୍ଶ ଦିଆଯାଇଛି।
ପାକ୍ସ ସଭାପତି ମୁକୁନ୍ଦଦେବ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ମଣ୍ଡି ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବରେ ରସୁଲପୁର ବିଡିଓ ଉମାକାନ୍ତ ପରିଡା, ସମ୍ମାନିତ ଅତିଥି ଭାବରେ ସମବାୟ ସଂପ୍ରସାରଣ ଅଧିକାରୀ କୃଷ୍ଣଚନ୍ଦ୍ର ନାୟକ, ସରପଞ୍ଚ ଚିନ୍ତାମଣୀ ସୁର, ପ୍ରଫୁଲ କୁମାର ସାହୁ, କଟକ କୋ-ଅପରେଟିଭ ବ୍ୟାଙ୍କ ଶାଖା ପରିଚାଳକ ବିକାଶ ମିଶ୍ର, ଧାନକ୍ରୟ କମିଟି ପକ୍ଷରୁ ଅମୁଲ୍ୟ ମହାନ୍ତି, ପଞ୍ଚାନନ ରାଉତ, ପ୍ରଶାନ୍ତ କୁମାର ସାହାଣୀ, ମାଳତୀ ଦଳେଇ, ନରେଶ ମହାନ୍ତି, ଚକ୍ରଧର ଦାସ, ଶ୍ରୀଧର ପ୍ରଧାନ, ଅଭିମନ୍ୟୁ ସେଠୀ, ଶୁକଦେବ ନାୟକ, କୈଳାସ ଚନ୍ଦ୍ର ପ୍ରଧାନ, ପୂର୍ବତନ ସରପଞ୍ଚ ଶଶିଭୂଷଣ ଦାସ, ବଟକୃଷ୍ଣ ସାହୁ, ଗଜେନ୍ଦ୍ର ସୁର, ନରେନ୍ଦ୍ର ବାହାଲିଆ, ପ୍ରହ୍ଲାଦ ପଲେଇ ପ୍ରମୁଖ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି ସମିତି ଅଧିନରେ ୧୬୫ଜଣ ଚାଷୀ ନାମ ପଞ୍ଜୀକରଣ କରିଛନ୍ତି। ସେମାନଙ୍କ ମଧ୍ୟରୁ ପ୍ରଥମ ଦଫାରେ ସମିତି ପକ୍ଷରୁ ପ୍ରଥମଥର ପାଇଁ ୮ଜଣଙ୍କ ନାମ ସୁପାରିଶ କରାଯାଇଛି। ସେମାନଙ୍କ ପାଇଁ ଟୋକନ ଆସିବା ପରେ ଚାଷୀଙ୍କଠାରୁ ଧାନ କିଣିବା ପ୍ରକ୍ରିୟା ଆରମ୍ଭ କରାଯିବ ବୋଲି ସମିତି ପକ୍ଷରୁ ସୂଚନା ମିଳିଛି।
