ନୂଆଦିଲ୍ଲୀ,୧୮।୯(ପି.ଟି.)- ହାର୍ଟ ଟୁ ହାର୍ଟ (ଏଚ୍ ଟୁ ଏଚ୍) ଫାଉଣ୍ଡେଶନ ସହ ଜଡିତ ରହିଥିବା ପୂର୍ବତନ ଭାରତୀୟ ଅଧିନାୟକ ସୁନୀଲ ଗାଭାସ୍କର ୬୦୦ ଗରିବ ପିଲାଙ୍କ ହାର୍ଟ ସର୍ଜରୀ ବା ହୃତ୍ପିଣ୍ଡ ଅସ୍ତ୍ରୋପଚାର ପାଇଁ ପାଣ୍ଠି ସଂଗ୍ରହ କରିଛନ୍ତି। ଆମେରିକା ଗସ୍ତରେ ସେ ବିଭିନ୍ନ ସହରକୁ ଯାଇ ଏହି ପାଣ୍ଠି ସଂଗ୍ରହ କରିଛନ୍ତି। ଭାରତର ସତ୍ୟ ସାଇ ସଞ୍ଜୀବନୀ ହସ୍ପିଟାଲରେ ଏହି ଅସ୍ତ୍ରୋପଚାର କରାଯିବ। ୨୦୧୨ଠାରୁ ଏହି ହସ୍ପିଟାଲ ମାଗଣାରେ ଏପର୍ଯ୍ୟନ୍ତ ୧୦,୦୦୦ ଅସ୍ତ୍ରୋପଚାର କରି ଏକ ମାଇଲଖୁଣ୍ଟ ଅତିକ୍ରମ କରିଛି। ଏଥି ମଧ୍ୟରୁ ୪୦୦ ଅସ୍ତ୍ରୋପଚାର ହାର୍ଟ ଟୁ ହାର୍ଟ ଫାଉଣ୍ଡେଶନ ଦ୍ୱାରା ସମ୍ଭବ ହୋଇପାରିଛି। ଗାଭାସ୍କର ଏଥିମଧ୍ୟରୁ ୩୪ ଆସ୍ତ୍ରୋପଚାର ପାଇଁ ପାଣ୍ଠି ସଂଗ୍ରହ କରିଛନ୍ତି। ଅର୍ଥାଭାବରୁ ଭାରତରେ ପ୍ରତିଦିନ ୨୫୦ ପିଲା ହୃଦୟ ଜନିତ ସମସ୍ୟାରେ ମୃତ୍ୟୁବରଣ କରୁଛନ୍ତି। ମହାରାଷ୍ଟ୍ର, ଛତିଶଗଡ଼ ଓ ହରିୟାଣାରେ ସତ୍ୟ ସାଇ ସଞ୍ଜିବନୀ ହସ୍ପିଟାଲର ଶାଖା ରହିଛି। ଏବେ ୩୬,୦୦୦ ପିଲା ଚିକିତ୍ସା ପାଇଁ ତାଲିକାଭୂକ୍ତ ହୋଇଛନ୍ତି। ଠିକ୍ ସମୟରେ ଚିକିତ୍ସା ନ ହେଲେ ଏମାନଙ୍କ ମଧ୍ୟରୁ ଅଧିକାଂଶ ପିଲା ମୃତ୍ୟୁ ବରଣ କରିବେ ବୋଲି ସଞ୍ଜୀବନୀ ହସ୍ପିଟାଲର ଅଧ୍ୟକ୍ଷ ସି. ଶ୍ରୀନିବାସ କହିଛନ୍ତି। ଆମେରିକା ଗସ୍ତରେ ଏହି ସଂସ୍ଥାକୁ କାଲିଫର୍ନିଆ, ମିଲପିଟାସ, ସାନ ଫ୍ରାନନ୍ସିକୋ ଓ ସିକାଗୋରେ ସମର୍ଥନ ମିଳିଥିଲା।
