କଟକ ରୋଡ଼, ୩।୮(ଡି.ଏନ୍.ଏ.): କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଶନିବାର ରାଜଧାନୀର ଚନ୍ଦ୍ରଶେଖରପୁର ଥାନା ଅଧୀନ ପଟିଆ ଛକରୁ ଜଣେ ବ୍ରାଉନ୍ସୁଗାର ବ୍ୟବସାୟୀଙ୍କୁ ଗିରଫ କରିଛି। ସେ ହେଲେ ମଞ୍ଚେଶ୍ୱର ଥାନା ଅଧୀନ ଇଞ୍ଜଣା ଗ୍ରାମର ସାମନ୍ତ ଦାସ।
ସୂଚନା ଅନୁଯାୟୀ, ସାମନ୍ତ ନିୟମିତ ଭାବେ ପଟିଆ ଛକରେ ବ୍ରାଉନ୍ସୁଗାର ବିକ୍ରି କରୁଥିବା ନେଇ ଅବକାରୀ ବିଭାଗ ନିକଟରେ ସୂଚନା ରହିଥିଲା। ଯେହେତୁ ପଟିଆ ଅଞ୍ଚଳରେ ଏକାଧିକ କଲେଜ ସାଙ୍ଗକୁ ହଷ୍ଟେଲ, ମେସ୍ ଇତ୍ୟାଦି ରହିଛି ସେ ନେଇ ସାମନ୍ତଙ୍କ ନିକଟରେ କଲେଜ ଛାତ୍ରଙ୍କ ଭିଡ଼ ଜମୁଥିଲା। ଏଭଳି ତଥ୍ୟକୁ ଆଧାରକରି ପୂର୍ବାହ୍ନ ପ୍ରାୟ ୧୦ଟାରେ ଗୁଇନ୍ଦା ବିଭାଗର ଏକ ଟିମ୍ ଚଢ଼ାଉକରି ପଟିଆ ଛକରୁ ଅଭିଯୁକ୍ତଙ୍କୁ ଗିରଫ କରିଛି। ତାଙ୍କ ନିକଟରୁ ୨୨ ଗ୍ରାମ୍ ବ୍ରାଉନ୍ସୁଗାର ସହ ଏକ ବାଇକ୍ ଜବତ କରାଯାଇଛି। ତେବେ ସାଗରଙ୍କୁ କିଏ ବ୍ରାଉନ୍ସୁଗାର ବ୍ୟବସାୟ ପାଇଁ ଯୋଗାଇ ଦେଉଥିଲେ ସେ ନେଇ ତଦନ୍ତ ଜାରିରହିଛି।
