ସଜନାଗଡ଼, ୨।୪(ଡି.ଏନ.ଏ.)-ମହାମାରୀ କରୋନା ଭୂତାଣୁ ସଂକ୍ରମଣରୁ ରକ୍ଷା ପାଇଁ ନୀଳଗିରି ବିଜ୍ଞାପିତ ଅଞ୍ଚଳ ପରିଷଦ ତରଫରୁ ବିଶୋଧନ ଓ ସ୍ବଚ୍ଛତା କାର୍ଯ୍ୟକ୍ରମ ହାତକୁ ନିଆଯାଇଛି। ଏହି ପରିପ୍ରେକ୍ଷୀରେ ବୁଧବାର ମଧ୍ୟାହ୍ନରୁ ନୀଳଗିରି ଜଗନ୍ନାଥ ମନ୍ଦିର ବଡ଼ଦାଣ୍ଡରୁ ଆରମ୍ଭ ହୋଇଥିଲା ଅଗ୍ନିସେବା ସଂସ୍ଥା ସହଯୋଗରେ ସାନିଟ୍ରାଇଜ୍। ଏହା ସହ ଆଗକୁ ନୀଳଗିରି ସ୍ବାସ୍ଥ୍ୟକେନ୍ଦ୍ର, ପୋଲିସ ଷ୍ଟେଶନ ଏବଂ ସମଗ୍ର ନୀଳଗିରିକୁ ମଧ୍ୟ ବିଶୋଧନ କାର୍ଯ୍ୟ ଚାଲୁ ରହିବ ବୋଲି ନୀଳଗିରି ବିଜ୍ଞାପିତ ପରିଷଦର କାର୍ଯ୍ୟନିର୍ବାହୀ ଅଧିକାରୀ ରତନ କୁମାର ପଟ୍ଟନାୟକ କହିଛନ୍ତି। କରୋନା ସାରା ବିଶ୍ୱରେ ସଂକ୍ରମିତ ହେଉଥିବାବେଳେ ଏଥିରୁ ମୁକ୍ତି ପାଇଁ ପ୍ରତ୍ୟେକ ବ୍ୟକ୍ତି ପରିଷ୍କାର ପରିଚ୍ଛନ୍ନ ରହିବା ସହ ନିଜର ପରିବେଶକୁ ସ୍ବଚ୍ଛ ରଖିବା ସହ ଲକ୍ଡାଉନ୍ର ସମସ୍ତ ବ୍ୟବସ୍ଥାକୁ ପାଳନ କରିବାକୁ ଶ୍ରୀ ପଟ୍ଟନାୟକ ଜନସାଧାରଣଙ୍କୁ କହିଛନ୍ତି।
