ମେକ୍ସିକୋ ସିଟି,୨୫।୪: କରୋନା ସଂକ୍ରମଣ ନେଇ ପୃଥିବୀର ବହୁ ଦେଶରେ ସ୍ଥିତି ସଙ୍କଟଜନକ ହେବାରେ ଲାଗିଛି। ଏପରିସ୍ଥଳେ ବହୁ ଦେଶରେ ଲକ୍ ଡାଉନ୍ ଜାରି ହୋଇଛି। ଫଳରେ କମ୍ ସଂଖ୍ୟକ ଲୋକଙ୍କୁ ବାହାରେ ବୁଲୁଥିବାର ଦେଖିବାକୁ ମିଳୁଛି। ମେକ୍ସିକୋର ଅକାପୁଲ୍କୋ ସମୁଦ୍ର କୂଳରେ ଲୋକଙ୍କୁ ଦେଖିବାକୁ ମିଳୁନି। ବେଳାଭୂମିରେ ଆଉ ଅଧିକ ବର୍ଜ୍ୟ ପଦାର୍ଥ ଦେଖିବାକୁ ମିଳୁନି। ଏବେ ଏହି ସମୁଦ୍ରକୂଳର ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଏଥିରେ ସମୁଦ୍ର ଜୁଆରରୁ ରାତି ଅନ୍ଧାରରେ ନୀଳ ଆଲୋକ ବିଚ୍ଛୁରିତ ହେଉଥିବା ଦେଖିବାକୁ ମିଳୁଛି। ଗତ ୬୦ ବର୍ଷ ମଧ୍ୟରେ ପ୍ରଥମ ଥର ପାଇଁ ଏଭଳି ଦୃଶ୍ୟ ଦେଖିବାକୁ ମିଳିଛି ବୋଲି ପରିବେଶ୍ବିତ୍ ସୂଚନା ଦେଇଛନ୍ତି। ସମୁଦ୍ର ପାଣିରେ ଥିବା ଏକ ପ୍ରଜାତିର ପ୍ଲାଙ୍କଟନ ଅନ୍ଧାରରେ ଆଲୋକ ବିଛୁରିତ କରିଥାନ୍ତି। ଏହାକୁ ବାୟୋ ଲୁମିନୋସେଣ୍ଟ୍ କୁହାଯାଇଥାଏ। ବେଳାଭୂମିରେ ନୀଳ ଆଲୋକ ବିଚ୍ଛୁରିତ ହେଉଥିବା ଖବର ପ୍ରଚାରିତ ହେବାପରେ ଲୋକଙ୍କ ମଧ୍ୟରେ ଆଗ୍ରହ ବୃଦ୍ଧି ପାଇଥିଲା। କେତେକ ଲୋକ ଲକ୍ ଡାଉନ୍କୁ ଖାତିର ନ କରି ଏଠାରେରେ ପହଞ୍ଚିଥିଲେ। ଏହାର ଫଟୋ ଏବଂ ଭିଡ଼ିଓ ସେମାନେ ସୋସିଆଲ୍ ମିଡ଼ିଆରେ ଅପ୍ ଲୋଡ୍ କରିଥିଲେ। ଏହି ଘଟଣା ଗତ ସୋମବାର ଘଟିଥିତ୍ବା କୁହାଯାଉଛି।
