ମୁମ୍ବାଇ: ବଲିଉଡ୍ ନାୟକ କାର୍ତ୍ତିକ ଆର୍ଯ୍ୟନ୍ ଏବେ ସୋସିଆଲ ମିଡିଆରେ କିଛି ଫଟୋ ପୋଷ୍ଟ କରିଛନ୍ତି। ଯାହା ଚର୍ଚ୍ଚାକୁ ଆସିଯାଇଛି। ଏହି ଫଟୋସହ କ୍ୟାପଶନରେ ଲେଖାଯାଇଛି, ‘First working day 2020 #workmodeon’। ଏଥିରୁ ସ୍ପଷ୍ଟ ହୋଇଛି କି କାର୍ତ୍ତିକ ଏବେ ‘ଦୋସ୍ତାନା-୨’ର ଶୁଟିଂ ଆରମ୍ଭ କରି ଦେଇଛନ୍ତି। ଫିଲ୍ମର ଶୁଟିଂକୁ ନେଇ ଆଲୋଚନା ଚାଲିଥିବା ବେଳେ ଏବେ କାର୍ତ୍ତିକ ଫଟୋ ଶେୟାର କରି ଏହା ସ୍ପଷ୍ଟ କରିଛନ୍ତି। ଫିଲ୍ମର ଏହା ତୃତୀୟ ସିଡ୍ୟୁଲ ଶୁଟିଂ। ପ୍ରଥମ ଓ ଦ୍ୱିତୀୟ ସିଡ୍ୟୁଲ ଶୁଟିଂ ସରିଥିବା ବେଳେ ଏବେ ତୃତୀୟ ସିଡ୍ୟୁଲ ଶୁଟିଂ ପାଇଁ ବେଶ୍ ଉତ୍ସାହିତ ଅଛନ୍ତି କାର୍ତ୍ତିକ। ଏଥିରେ ମୁଖ୍ୟ ଭୂମିକାରେ କାର୍ତ୍ତିକଙ୍କ ସହ ଜାହ୍ନବୀ କପୁର ଓ ଲକ୍ଷ୍ୟ ଲାଲଓ୍ବାନୀ ନଜର ଆସିବେ। ଲକ୍ଷ୍ୟଙ୍କର ଏହା ବଲିଉଡ୍ ଡେବ୍ୟୁ ଫିଲ୍ମ।
