ଦୁର୍ଘଟଣାରେ ମା’ ମୃତ, ଝିଅ ଗୁରୁତର
7:40 amDecember 27, 2019 / 21

ଜଗନ୍ନାଥପ୍ରସାଦ, ୨୭ା୧୨ (ଡି.ଏନ୍‌.ଏ.) -ଜଗନ୍ନାଥପ୍ରସାଦ ଥାନା ଅଞ୍ଚଳରେ ଥିବା କୃଷି ଫାର୍ମ ସାମ୍ନାରେ ବୁଧବାର ରାତି ପ୍ରାୟ ୯ଟାରେ ଏକ୍ସଲକୁ ପଛରୁ ଏକ ଅଜଣା ଗାଡି ଧକ୍କା ଦେଇଛି। ଏଥିରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ କୁନି ଝିଅର ବାମଗୋଡ଼ଟି ଭାଙ୍ଗି ଯାଇଛି। ମୃତ ମହିଳା ଜଣକ ହେଲେ କାଦୁଆ ଡାଳଖାଇର ଋଷି ନାଇକଙ୍କ ସ୍ତ୍ରୀ ଝୁନୁ କୁମାରୀ ନାଇକ (୨୩)। ଥାନାରେ ଚାଳକ ସନ୍ତୋଷ ସେଠୀ ଦେଇଥିବା ଅଭିଯୋଗ ପ୍ରକାରେ ନଂ.୨୨୧/୧୯ରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି। ଚାଳକ ସନ୍ତୋଷ ନରେନ୍ଦ୍ରପୁର ସ୍ଥିତ ତାଙ୍କ ଚିକେନ ଦୋକାନ ବନ୍ଦ କରି ଘରକୁ ଫେରୁଥିବାବେଳେ ଝୁନୁ ତାଙ୍କ ଝିଅଙ୍କୁ ନେଇ ସେଠାରେ ପହଞ୍ଚତ୍ଥିଲେ। ବାପାଙ୍କ ଦେହ ଖରାପ ଥିବା କହି ଝୁନୁ ତାଙ୍କୁ ଛାମୁଣ୍ଡା ଗ୍ରାମରେ ଛାଡିଦେବାକୁ ଅନୁରୋଧ କରିଥିଲେ। ଏନେଇ ସନ୍ତୋଷ ଲୁନାରେ ଝୁନୁ ଓ ତାଙ୍କ ଝିଅଙ୍କୁ ଧରି ନରେନ୍ଦ୍ରପୁର ଗ୍ରାମରୁ ଛାମୁଣ୍ଡା ଯାଉଥିଲେ। ବାଟରେ ଜଗନ୍ନାଥପ୍ରସାଦ କୃଷି ଫାର୍ମ ଠାରେ ପଛପଟୁ ଏକ ଅଜଣା ଚାରିଚକିଆ ଯାନ ଧକ୍କା ଦେଇଥିଲା। ଫଳରେ ୩ ଜଣ ଛିଟିକି ପଡିଥିଲେ। ପିସିଆର୍‌ ଗାଡି ସେହି ରାସ୍ତା ଦେଇ ଯାଉଥିବାବେଳେ ସେମାନଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଚିକିତ୍ସା ଚାଲିଥିବାବେଳେ ଝୁନୁଙ୍କ ମୃତ୍ୟୁ ହୋଇଥିଲା। ଝିଅର ଚିକିତ୍ସା ପାଇଁ ଭଞ୍ଜନଗର ମେଡିକାଲକୁ ନେବାକୁ ଡାକ୍ତର ପରାମର୍ଶ ଦେଇଥିଲେ। ଗୁରୁବାର ମୃତଦେହ ବ୍ୟବଚ୍ଛେଦ ପାଇଁ ଭଞ୍ଜନଗର ମେଡିକାଲକୁ ପଠାଇ ଦିଆଯାଇଛି।