ଗର୍ଭାବସ୍ଥାରେ ବିଭିନ୍ନ ସମସ୍ୟା କାରଣରୁ ନିର୍ଦ୍ଧାରିତ ସମୟ ପୂର୍ବରୁ ଶିଶୁଟିଏର ଜନ୍ମ କିଛି ନୂଆ କଥା ନୁହେଁ। ମାତ୍ର ଅନେକ ସମୟରେ ଓଜନ କମ୍ ଥିବା ଶିଶୁ ଜନ୍ମଲାଭ କରିବା ସହ ଜୀବିତ ମଧ୍ୟ ରହିଥାନ୍ତି। ଗତ ବର୍ଷ ଅକ୍ଟୋବରରେ ଜାପାନରେ ସବୁଠୁ ଏକ ଛୋଟ ଶିଶୁ ଜନ୍ମ ହୋଇଥିଲା। ଯାହାର ଓଜନ ୨୮୫ ଗ୍ରାମ୍ ଥିଲା। ଏବେ ଏହି ଶିଶୁଟି ସୁସ୍ଥ ଥିବା ବେଳେ ଓଜନ ୩ କେଜିରେ ପହଞ୍ଚିଥିବା ଜଣାପଡ଼ିଛି। ସେତେବେଳେ ଏହାକୁ ସବୁଠାରୁ କମ୍ ଓଜନର ଶିଶୁ ବୋଲି କୁହାଯାଉଥିଲା। ମାତ୍ର ଏବେ
କାଲିଫର୍ନିଆରେ ଆହୁରି କମ୍ ଓଜନର ଥିବା ଶିଶୁ ଜନ୍ମଗ୍ରହଣ କରିଥିବା କୁହାଯାଉଛି। ଏଠାକାର ଏକ ହସ୍ପିଟାଲରେ ଡିସେମ୍ବର ୨୦୧୮ରେ ଶିଶୁଟି ଜନ୍ମ ହୋଇଛି। ଜନ୍ମ ସମୟରେ ଶିଶୁର ଓଜନ ଏକ ସେଓର ଓଜନ ଯଥା୨୪୫ ଗ୍ରାମ୍ ହୋଇଥିଲା। ଡାକ୍ତରଖାନା କର୍ତ୍ତୃପକ୍ଷ ତା’ର ନାମ ସାବି ରଖିଥିଲେ। ଗର୍ଭଧାରଣର ୨୩ ସପ୍ତାହ ପରେ ସାବି ଜନ୍ମ ହୋଇଥିବାରୁ ଓଜନ କମ୍ ରହିଥିଲା। ଓଜନ ବହୁତ କମ୍ ହୋଇଥିବାରୁ ଶିଶୁକୁ ଜନ୍ମ ପରେ ୫ ମାସ ପାଇଁ ନିଓନାଲ ଇଣ୍ଟେନସିଭ କେୟାର ୟୁନିଟ୍ରେ ରଖାଯାଇଥିଲା। ପରେ ତାଙ୍କୁ ହସ୍ପିଟାଲରୁ ଛଡ଼ା ଯାଇଥିଲା। ତେବେ ବର୍ତ୍ତମାନ ସାବିର ଓଜନ ୨କେଜି ୫୦୦ ଗ୍ରାମ୍। ଡାକ୍ତରଙ୍କ କହିବା ଅନୁଯାୟୀ ଏପରି କମ୍ ଓଜନର ଶିଶୁ ଜନ୍ମ ଆଜି ପର୍ଯ୍ୟନ୍ତ ଜନ୍ମ ହେବାର ନଜିର ନାହିଁ।
