ନୂଆଦିଲ୍ଲୀ,୩।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ପୁଣି ଥଥରେ କ୍ଷମତାକୁ ଆସିବାରେ ପରେ ଶିକ୍ଷାନୀତିରେ ପରିବର୍ତ୍ତନ ପାଇଁ ଏକ ଡ୍ରାଫ୍ଟ୍ ପ୍ରସ୍ତୁତ କରିଥିଲେ। ଏଥିରେ ହିନ୍ଦୀ ଭାଷାକୁ ଅନିବାର୍ଯ୍ୟ କରାଯିବାକୁ ପ୍ରସ୍ତାବ ଦିଆଯାଇଥିଲା। ତେବେ ଦକ୍ଷିଣ ରାଜ୍ୟ ଗୁଡ଼ିକ ଏହାର ବିରୋଧ କରିଥିଲେ। ଶେଷରେ କେନ୍ଦ୍ର ସରକାର ମୁଣ୍ଡ ନୋଇବାକୁ ବାଧ୍ୟ ହୋଇଛନ୍ତି। ସୋମବାର ଶିକ୍ଷାନୀତି ଡ୍ରାଫ୍ଟକୁ ପରିବର୍ତ୍ତନ କରାଯାଇଛି। ନୂତନ ଡ୍ରାଫ୍ଟରେ ହିନ୍ଦୀକୁ ଅନିବାର୍ଯ୍ୟ କରାଯାଇନାହିଁ। ଏଥିରେ ସ୍କୁଲ ଶିକ୍ଷାରେ ତୃତୀୟ ଭାଷା ଚୟନକୁ ଶିକ୍ଷାର୍ଥୀଙ୍କ ଇଛାଧୀନ ଭାବେ ଅଭିହିତ କରାଯାଇଛି। ସୂଚନାଯୋଗ୍ୟ, ସରକାରଙ୍କ ଏଭଳି ଡ୍ରାଫ୍ଟର ବିରୋଧ କରି ଦକ୍ଷିଣ ରାଜ୍ୟଗୁଡ଼ିକ ଜାଣି ଶୁଣି ହିନ୍ଦୀକୁ ସ୍କୁଲ ଶିକ୍ଷାରେ ବାଧ୍ୟତାମୂଳକ କରାଯାଉଥିବା ଅଭିଯୋଗ ହୋଇଥିଲା।
