ଦାରିଙ୍ଗବାଡ଼ି,୨୪।୨(ଡି.ଏନ୍.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା ତୁଡ଼ୁକିବାଡ଼ି ଅଞ୍ଚଳରେ ଏକ ଜୁଆ ଆଡ୍ଡା ଉପରେ ଚଢ଼ାଉ କରି ପୋଲିସ ୬ ଜଣଙ୍କୁ ଗିରଫ କରିଛି। ସେମାନେ ହେଲେ ଜାଗର ନାୟକ, ଅରୁଣ ମଲ୍ଲିକ, ଗୋକୁଳ ନାୟକ, କିଲୁ ମାଳବିଶୋୟୀ, ଶଙ୍କର ମାଳ ବିଶୋୟୀ ଏବଂ କାଜଲ ଖାନ୍ । ସେମାନଙ୍କଠାରୁ ୨୬ ହଜାର ୩ ଶହ ଟଙ୍କା ସମେତ ୩ ଟି ମୋବାଇଲ ଏବଂ ଖେଳ ସାମଗ୍ରୀ ଜବତ ହୋଇଛି ।
ପୋଲିସ କେସ ନଂ. ୨୭/୨୦ରେ ଏକ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରିଥିବା ଆଇଆଇସି କୌଶିକ ମାଝି କହିଛନ୍ତି।
ସୂଚନାଯୋଗ୍ୟ, ଶିବରାତ୍ରି ପାଇଁ ଗତ ଶନିବାରଠାରୁ ଶିବମନ୍ଦିର ପ୍ରାଙ୍ଗଣରେ ସାଂସ୍କୃତିକ କାର୍ଯ୍ୟକ୍ରମ ସହ ଯାତ୍ରା ଚାଲିଥିଲା। ଏହି ଅବସରରେ ଜନଗହଳି ଲାଗିରହିଥିବା ବେଳେ ଏହାର ସୁଯୋଗ ନେଇ ଜୁଆ ଆଡ୍ଡା ଚାଲିଥିଲା। କୌଣସି ସୂତ୍ରରୁ ଖବର ପାଇ ପୋଲିସ ତୁଡ଼ୁକିବାଡ଼ିରେ ଚଢ଼ାଉ କରି ୬ ଜଣଙ୍କୁ ଗିରଫ କରିଥିଲା।
