ଚୌଦ୍ୱାର କ୍ୱାରାଣ୍ଟାଇନ୍‌ କେନ୍ଦ୍ରର ସ୍ଥିତି ପରଖିଲେ ବିଧାୟକ, ୧୦୮ ଆମ୍ବୁଲାନ୍ସ ସେବାର କଲେ ଉଦ୍‌ଘାଟନ
5:16 pmApril 16, 2020 / 06

ଚୌଦ୍ୱାର,୧୬।୪(ଡି.ଏନ୍‌.ଏ):କରୋନା ଭତାଣୁର ଲକ୍ଷଣ ଦେଖା ଦେଉଥିବା ବ୍ୟକ୍ତି ବିଶେଷଙ୍କୁ ଘରଠାରୁ ଦୂରରେ ରଖିବା ତଥା ସାମାଜିକ ଦୂରତା ଅବଲମ୍ବନ ନିମନ୍ତେ ଚୌଦ୍ୱାର ସହରର ଚୌଦ୍ୱାର ପୌରପାଳିକା ତରଫରୁ ଗାନ୍ଧିଛକ ଟାଉନହଲରେ କ୍ୱାରେନଟାଇନ କେନ୍ଦ୍ର କରାଯାଇଛିି। ବୁଧବାର ଚୌଦ୍ୱାର-କଟକ ବିଧାୟକ ଶୌଭିକ୍‌ ବିଶ୍ୱାଳ ୫୦ ଶଯ୍ୟା ବିଶିଷ୍ଟ ଏହି କ୍ୱାରାଣ୍ଟାଇନ୍‌ କେନ୍ଦ୍ରର ସ୍ଥିତି ବୁଲି ଦେଖିବା ସହିତ ନିର୍ବାହୀ ଅଧିକାରୀ ପ୍ରଦୀପ୍ତ କୁମାର ବେହେରାଙ୍କ ସହିତ ଆଲୋଚନା କରିଥିଲେ । ଏଥି ସହିତ ଚୌଦ୍ୱାର ସହର ପାଇଁ ଏକ ୧୦୮ ଆମ୍ବୁଲାନ୍ସ ସେବାର ଉଦ୍‌ଘାଟନ କରିଥିଲେ। ପୁର୍ବରୁ ଟାଙ୍ଗି-ଚୌଦ୍ୱାର ଅଞ୍ଚଳର ରୋଗୀ ସେବା ପାଇଁ ଉଦ୍ଦିଷ୍ଟ ୧୦୮ ଆମ୍ବୁଲାନ୍ସଟି କିଛି ଦିନ ହେବ ଅଚଳ ହୋଇପଡିଥିଲା। ଏନେଇ ବିଧାୟକ ବିଶ୍ୱାଳ ନୁତନ ଆମ୍ବୁଲାନ୍ସ ପାଇଁ ମୁଖ୍ୟମନ୍ତ୍ରୀଙ୍କୁ ନିବେଦନ କରିଥିଲେ। ବୁଧବାର ଟାଉନ ହଲ ପରିସରରେ କଟକ ସିଡିଏମ୍‌ଓ ସତ୍ୟବ୍ରତ ଛୋଟରାୟ,କ୍ଲଷ୍ଟର ଲିଡର ଅମିତ୍‌ ରାୟ ଓ ପୌରପାଳିକାର ପୁର୍ବତନ ଚେୟାର୍ଯଯାନ ପ୍ରେମଚାନ୍ଦ ନାୟକ,ପୁର୍ବତନ କାଉନସିଲର କରୁଣାକର ସାହୁ,ବିଷ୍ନୁ ଚରଣ ପରିଡା,ଶୁଭେନ୍ଦୁ ସାମଲ,ସୁବ୍ରତ ସାମଲଙ୍କ ଉପସ୍ଥିତିରେ ଏହି ଉଦ୍‌ଘାଟନ କାଯ୍ର୍ଯକ୍ରମ ଅନୁଷ୍ଠିତ ହୋଇଥିଲା। ପୌରପାଳିକା ଯନ୍ତ୍ରୀ ମହେଶ ପ୍ରସାଦ ମିଶ୍ର,ପୁର୍ଣ୍ଣଚନ୍ଦ୍ର ପାଣି,ତପନ କୁମାର ସାହୁ,ଝୁଲେନ୍ଦ୍ର ନାୟକ ପ୍ରମୁଖ କାଯର୍‌ୟକ୍ରମ ପରିଚାଳନା କରିଥିଲେ ା