ଗ୍ୟାସ୍‌ ଲିକ୍‌ରୁ ନିଆଁ ଲାଗି ମହିଳା ଗୁରୁତର
11:13 pmJune 15, 2019 / 21

ବେଗୁନିଆପଡା,୧୫।୬(ଡି.ଏନ.ଏ.)-କୋଦଳା ଥାନା ଫାସି ଗ୍ରାମରେ ଶନିବାର ଗ୍ୟାସ୍‌ ଲିକ୍‌ରୁ ନିଆଁ ଲାଗି ଜଣେ ମହିଳା ଗୁରୁତର ହୋଇଛନ୍ତି। ସେ ହେଲେ କେଦାର ଦଳେଇଙ୍କ ସ୍ତ୍ରୀ ଦମୟନ୍ତୀ। ଦମୟନ୍ତୀ ସନ୍ଧ୍ୟାରେ ନିଜ ରୋଷେଇ ଘରେ ଗ୍ୟାସ୍‌ରେ ଅଗ୍ନି ସଂଯୋଗ କଲା ବେଳେ ହଠାତ ନିଆଁ ନିର୍ଗତ ହୋଇ ଚାରିଆଡେ ବ୍ୟାପୀଯାଇଥିଲା। ଦମୟନ୍ତୀ ପାଟି କରି ବାରିପଟକୁ ଚାଲି ଆସିଥିଲେ। କିନ୍ତୁ ସେତେବେଳକୁ ତାଙ୍କର ମୁହଁ, ହାତ ଆଦି ପୋଡ଼ିଯାଇଥିଲା। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ କୋଦଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଏବଂ ପରେ ବ୍ରହ୍ମପୁର ସ୍ଥାନାନ୍ତର କରାଯାଇଛି।