ରଣପୁର,୧୫।୬(ସ୍ବ.ପ୍ର.): ନୟାଗଡ ଜିଲା ରଣପୁର ବିଜ୍ଞାପିତ ଅଞ୍ଚଳ ପରିଷଦର ମୁଖ୍ୟ ରାସ୍ତାରେ ଶୁକ୍ରବାର ସନ୍ଧ୍ୟାରେ ଏକ ହୋଟେଲରେ ଗ୍ୟାସ ଲିକ୍ ହୋଇ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ହୋଟେଲର ୩୦ ହଜାରରୁ ଊର୍ଦ୍ଧ୍ୱ ମୂଲ୍ୟର ସମ୍ପିତ୍ତି ନଷ୍ଟ ହୋଇଛି । ରଣପୁର ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଏହି ଘଟଣାକୁ ନେଇ ସେଠାରେ କିଛି ସମୟ ପାଇଁ ଚାପା ଉତ୍ତେଜନା ପ୍ରକାଶ ପାଇଥିଲା । ପୁରୁଣା ସିଲିଣ୍ଡରରେ ଗ୍ୟାସ୍ ଯୋଗାଣ ହେଉଥିବା ଲୋକେ ଅଭିଯୋଗ କରିଥିଲେ। ଘଟଣା ସ୍ଥଳରେ ସ୍ଥାନୀୟ ପୋଲିସ ପହଞ୍ଚି ଲୋକମାନଙ୍କୁ ବୁଝାଶୁଝା କରିବାରୁ ଉତ୍ତେଜନା ଥମିଥିଲା ।
ଯେ, ରଣପୁର ଥାନା ଠାରୁ ମାତ୍ର ୩୦୦ ମିଟର ଦୂରରେ ବ୍ୟବସାୟୀ ସଉରି ସାହୁ ତାଙ୍କ ଘର ଆଗରେ ମିଠା ଓ ଜଳଖିଆ ଦୋକାନ କରିଛନ୍ତି। ସେ ଘରୋଇ ଗ୍ୟାସ୍ ସିଲିଣ୍ଡର ବ୍ୟବହାର କରୁଥିଲେ। ରାତ୍ର ସାଢେ ୭ଟାରେ ହଠାତ୍ ଗ୍ୟାସ୍ ସିଲିଣ୍ଡରରୁ ଗ୍ୟାସ୍ ଲିକ୍ ହୋଇ ଦୋକାନରେ ନିଆଁ ଲାଗି ଯାଇଥିଲା । ଚାହୁଁ ଚାହୁଁ ନିଆଁ ଚାରି ଆଡକୁ ବ୍ୟାପୀ ଯାଇଥିଲା। ଏହା ଦେଖି ସଉରି ପାଟି କରିଥିଲେ । ତୁରନ୍ତ ଖବର ପାଇ ଦମକଳ ବାହିନୀର ଅଧିକାରୀ ସରୋଜ କୁମାର ଦାସଙ୍କ ସହିତ ଅଗ୍ନିଶମ କର୍ମଚାରୀମାନେ ପହଞ୍ଚତ୍ ସିଲିଣ୍ଡରରୁ ନିଆଁ ଲିଭାଇବା ସହିତ ଦୋକାନରୁ ନିଆଁ ଲିଭାଇଥିଲେ । ସୂଚନା ଯୋଗ୍ୟ, ରଣପୁର ଅଞ୍ଚଳକୁ ବିଭିନ୍ନ ଗ୍ୟାସ୍ କମ୍ପାନୀ ପକ୍ଷରୁ ଘରମାନଙ୍କୁ ଯୋଗାଣ ହେଉଥିବା ଗ୍ୟାସ ସିଲିଣ୍ଡରଗୁଡିକ ବହୁ ବର୍ଷର ପୁରୁଣା । କମ୍ପାନୀମାନେ ଏହାକୁ ନ ବଦଳାଇ ସେହି ପୁରୁଣା ସିଲିଣ୍ଡରରେ ଗ୍ୟାସ୍ ପ୍ରଦାନ କରି ବିପଦ ସୃଷ୍ଟି କରୁଛନ୍ତି।
