ବାର୍ସିଲୋନା,୧୯।୧୨- ଚଳିତ ଲା ଲିଗା ଲିଗ୍ର ସବୁଠୁ ଗୁରୁତ୍ୱପୂର୍ଣ୍ଣ କ୍ଲାସିକୋ ମ୍ୟାଚ୍ ଗୋଲଶୂନ୍ୟ ଭାବେ ଶେଷ ହୋଇଛି। ରିୟଲ ମାଡ୍ରିଡ୍ ଓ ପଏଣ୍ଟ ଟେବୁଲ ଟପ୍ପର ବାର୍ସିଲୋନା ଦଳ ପ୍ରଶଂସକଙ୍କ ଆଶା ପୂରଣ କରିପାରି ନ ଥିଲା। ଡ୍ର’ ସତ୍ତ୍ୱେ ବାର୍ସିଲୋନା ୧୭ ମ୍ୟାଚ୍ରୁ ୩୬ ପଏଣ୍ଟ ସହ ଶୀର୍ଷରେ ରହିଛି। ମାଡ୍ରିଡ୍ ନିକଟରେ ମଧ୍ୟ ରହିଛି ସମାନ ସଂଖ୍ୟକ ପଏଣ୍ଟ। ହେଲେ ଅଧିକ ସଂଖ୍ୟକ ଗୋଲ ଯୋଗୁ ଲିଓନେଲ ମେସିଙ୍କ ଦଳ ଶୀର୍ଷସ୍ଥାନ ଅଧିକାର କରିଛି। ଉଭୟ ଦଳ ବହୁ ସୁଯୋଗ ହାତଛଡ଼ା କରିଥିଲେ। ମାଡ୍ରିଡ୍ ପକ୍ଷରୁ ଦୁଇ ଥର ପେନାଲି୍ଟ ପାଇଁ ଆବେଦନ କରାଯାଇଥିଲା, ଯାହାକୁ ଖାରଜ କରାଯାଇଥିଲା। ଗାରେଥ ବାଲେ ଏକ ଭଲ ପୋଜିଶନରେ ଥିଲେ କିନ୍ତୁ ତାଙ୍କୁ ମିଳିଥିଲା ଅଫ ସାଇଡ୍। ମ୍ୟାଚ୍ବେଳେ କିଛି ପ୍ରଶଂସକ ଗ୍ରାଉଣ୍ଡରେ ପ୍ରବେଶ କରି ବିକ୍ଷୋଭ କରିଥିଲେ। ଏଥିଯୋଗୁ ମ୍ୟାଚ୍ ବାଧାପ୍ରାପ୍ତ ହୋଇଥିଲା। ଉଲ୍ଲେଖଥାଉ କି, କ୍ଲାସିକୋ ମ୍ୟାଚ୍ ପ୍ରଥମେ ଅକ୍ଟୋବର ୨୬ ତାରିଖରେ ଖେଳାଯିବାର ଥିଲା। ମାତ୍ର ଷ୍ଟାଡିୟମ ନିକଟରେ ପ୍ରବଳ ବିକ୍ଷୋଭ ଯୋଗୁ ମ୍ୟାଚ୍ ତାରିଖ ସ୍ଥାନାନ୍ତର ଥିଲା।
